Internaciona Ido-renkontro 2025 de 17ma di julio til 20ma di julio 2025

Internaciona Ido-renkontro 2025 de 17ma di julio til 20ma di julio 2025 en Potsdam (Germania)

Kar Idistaro!

Hike me donas kelka informi pri la Ido-renkontro 2025 a vi. Me dankas la partoprenanti por partoprenar. La atmosfero esis tre bone e ni bone interkomunikis en Ido..

Omna informi pri la Ido-renkontro 2025:

La internaciona Ido-renkontro 2025 eventis inter la 17ma julio e 20ma julio 2025 en Potsdam, la chefurbo dil federala lando Brandenburgia ed en Berlin.
La Germana Ido-Societo e la Ido-Amiki Berlin aranjis la renkontro.

• Konfereyo: Rusche43, Ruschestrasse 43, Berlin-Lichtenberg
• Hotelo: Good Morning Berlin City East''', Ruschestrasse 45, Berlin Lichtenberg
• Partoprenanti: 12 Idisti de 4 landi
• Nomi dil partoprenanti: Gerhild Drogi, Rudolf Gensch, Dorothea Haberland, Rainer Höhling, Jean Martignon, Robert Pontnau, Ricarda Rieck, Günter Schlemminger, Thomas Schmidt, Eberhard Scholz, Hans Stuifbergen, Rumi Todorova

La Ido-renkontro 2025 havis oficala kanto "Venez a Potsdam!" kreita da "Emma Schmidt", qua aparesis che Youtube. Ol trovesas hike.

16ma di julio 2025 (merkurdio): Arivo dil unesma partoprenanti'

• Komuna dineo

17ma di julio 2025 (jovdio): Arivo en Berlin, exkurso a Potsdam

• 15 kloko: Filmeyo-Potsdam Babelsberg: Guidado kun Martin Schlemminger tra la filmeyo

18ma di julio 2025 (venerdio): Exkurso a Potsdam

• Vizito dil kastelo Sanssouci en Potsdam
• Vizito dil Rusa kolonio "Alexandrovka" en Potsdam

19ma di julio 2025 (saturdio): Kunsido en Berlin

• Kunsido en la konfereyo Rusche43 en Berlin-Lichtenberg inter 10 e 18 kloko
• Prizento da Günter Schlemminger pri Ido e sua laboro kom tradukero di literaturo aden Ido
• Prizento e diskurso da Hans Stuifbergen pri la situaciono dil ULI e diskutado. La konfero rekomendas nova elekti dil Direktanta Komitato pos ke la ULI determinas klare, qua esas membro en la ULI e havas la yuro votar e votesar
• Diskurso da Thomas Schmidt pri Artificiala Inteligenteso e sua posiblaji por uzar ol por Ido
• Diskurso da Rumi Todorova pri la Europa Kulturo chefurbo 2025 Chemnitz
• Yarchefkunveno dil Germana Ido-Societo
  Dorothea Haberland elektesis kom nova kasistino pos la morto di Dieter Schmidtchen en la yaro 2024.
  Decido ke la Germana Ido-Societo pregas la ULI suportar financale por la internaciona linguo-expozo Expolingua en Berlin en novembro 2025
• Komuna dineo

20ma di julio 2025 (sundio): Departo

• Individuala departo

Ni havis du propozi por loko dil Internaciona Ido-renkontro 2025: Sofia (Bulgaria) od Amsterdam/Hilversum (Nederlando), ma esis nula decido .

Amikale
Dro. Thomas Schmidt
(Prezidanto dil Germana Ido-Societo)