Internaciona Idorenkontro 2019 en la Germana chefurbo Berlin

Internaciona Idorenkontro 2019 en la Germana chefurbo Berlin

Dum la tempo inter la 05ma di septembro 2019 (arivo) e la 09ma di septembro 2019 (departo) eventis l'internaciona Idorenkontro 2019 en la Germana chefurbo Berlin.
La tre aktiva Ido-amiki Berlin aranjis ica internaciona Ido-renkontro.

Idisti vizitis muro-parko che la Bernauer strado. Ricarda Rieck explikis interesiva fakti pri olima frontiero inter olima Est- ed West-Berlin.

Doktoro Detlef Groth guidis ni tra Potsdam, la hemloko di diversa populi. Ni vizitis la kirko di Franca protestanti, la Rusa e la Nederlandandana quartero.

Avan verdi.domo ni prizentis nia linguo Ido e disdonis propagili. Anke en treni ed autobusi ni facis lo.
Studanti, artisti e homi, qui engagas sociale interesesas pri Ido.

Quon ni povas ofrar?

    • gratuita kursi en interreto ed che l‘Ido-amiki Berlin
    • bona sociala kontakti kun samideani
    • por plu evanta homi: intelektala aktiveso qui sustenas cerebrala saneso
    • kreanta aktivesi – kunlaboro che jurnali, skribar propra texti, tradukar texti

Quon ni posedas?

    • interesiva literaturo
    • propagili en 13 diversa lingui
    • vortolibri: diversa nacionala lingui-Ido

Quon ni bezonas?

    • nova adheranti
    • yuna adheranti
    • aktiva adheranti

Quale ganar?

    • aktivez via infanti, nepoti e nevi por Ido
    • fondez Ido-grupi en nia hemloki

Qualmaniere agar?

    • aktualigar la vortolibri
    • krear plura interesiva retpagini
    • krear Ido-literaturo, exemple komiki
    • krear interret-konferi por plu rapide interkomunikar pri aktuala aferi
    • partoprenar en interret-babileyi
    • partoprenar en aktivesi en socala medii
    • krear mikra moderna kanto-libro
    • disdonar propagili e parolar pri Ido

Ica raporto kreesis da Marion Kasper e korektigesis da Frank Kasper
Salem/Nuernberg, la 04ma di oktobro 2019