Internaciona Ido-konfero 2023 en Kassel (Germania)

Internaciona Ido-konfero idum la tempo inter la 05ma e 09ma di julio 2023 en Kassel (Germania)




Estimata Idisti, estimata simpatatieri dil linguo internaciona Ido!

La direktantaro dil Germana Ido-Societo r.s. invitas al Internaciona Ido-konfero dum la tempo inter la 05ma e 09ma di julio 2023 en Kassel.

Pos ke nia vic-prezidantino Ricard Rieck ya sucesoze komune kun Idisti de Berlin e Dessau aranjis la pasinta jubilea aranjo 100 yari Ido-kongreso en Dessau 1922 - 2022 cayare itere eventos jubilea aranjo, cafoye en Nord-Hesia:

100 yari Ido-kongreso en Kassel 1923 - 2023

Pro to bi invitas omna Idisti e simpatatieri dil linguo internaciona ek la tota mondo vizitar l'interesiva urbo Kassel (cirkume 200.000 habitanti), ube ye singla kinesma yaro eventas l'internacione konocata artala expoziciono „Documenta“. Kassel esas tre bone atingebla kun treno al fervoyala ICE-staciono „Kassel-Wilhelmshöhe“. Hike trovesas l'expliko dil voyo dil fervoyala staciono al konfer-centro "Kolpinghaus".

L'adreso dil konfer-centro esas:

Bildungsforum Sankt Michael Kassel
Die Freiheit 2
D-34117 Kassel

En l'urbo existas multa hoteli kun diversa kondicioni de cirkume € 40,- po nokto (yunular-albergo) ed € 120,- po nokto (dulita chambro por du persono en hotelo).

Se vu deziras asistar l'internaciona Ido-konfero 2023 en Kassel voluntez sendar e-postala mesajo al chefaranjanto Dieter Schmidtchen od ad Eberhard Scholz.
Pos vua partoprenanunco ni kontaktos vu pro plu detaloze informar vu pri hoteli od yunular-albergo e volunte rezervos chambro por vu.

Hike trovesas la programo dil Ido-konfero 2023.

Se vi havas plusa demandi ni volunte esas disponebla por vu.

Kompreneble vu saveskos plusa informi koncerne la stando dil preparo dil konfero.

Ni esperas salutar multa asistanttini ed asistanti ek la tota mondo okazione di ica importanta aranjo.\\
Kun amikala saluti

Dieter Schmidtchen
chefaranjanto dil Ido-konfero 2023 in Kassel