Europana Ido-renkontro 2010 en la Badenia-Wurtemberga universitato-urbo Tübingen (Germania)

Raporto pri l'Europana Ido-renkontro inter la 19ma e 24ma di agosto 2010 en Tübingen

Fotografuri da Anvarzhon

Jovdio 2010-08-20

Kun granda intereso di la Germana jurnalaro komencis la Europana Ido-renkontro 2010. La Saarländischer Rundfunk, la Westdeutscher Rundfunk e la Südwestfunk facis interviuvi kun la partoprenanti qui venis de Chinia, Britania, Nederlando, Francia, Hispania/Estonia e Germania. Yen listo di raporti en la www. Hodie la renkontro durigos kun la ULI-laborkunsido, Informestaleyo pri Ido, ULI e GIS en l'urbocentro e publika diskurso en tri lingui (Germana-Ido-Angla) "Facinado di projetita lingui - Pro quo homi lernas lingui quale Na'vi, Klingonisch od Ido?" en la Viktor-Renner-Domo da Dr. Detlef Groth.

Fotografuri di la unesma vespero da Anvarzhon

Venerdio 2010-08-20

La Ido renkontro 2010 esis durigata. Matene esis ULI-kunsido pri linguala, pekuniala ed publikala aferi. Posdimeze esis tre sucesoza Ido estaleyo en la urbocentro ed interviuvo kun granda Germana brodkasto-sendejo la Deutschlandradio Kultur. La mp3 versiono di la interviuvo trovesas hike. Vespere esis publika diskurso pri Ido ed altra helpa lingui. Anke asistis Germana jurnalisti.

Fotografuri di la duesma dio da Anvarzhon

Saturdio 2010-08-21

La jorno komencis kun urbguidado tra l'anciena urbo di Tübingen. Ye la sama tempo kelka interesemi di Tuebingen vizitis Ido-kurseto por komencanti en la Viktor-Renner-Domo. Posdimeze la membri di la Germana Ido Societo partoprenis ye la yarchefkunveno di GIS. La vespero finis kun komuna dineo e longa babilado sub la somerala noktala cielo en la birgardeno dil restorerio "Schloßgarten".

Sundio 2010-08-22

Antedimeze eventis la finala ULI-laborkunsido en la Viktor-Renner-Domo.
Temi:

• Decido pri la Ido renkontro 2011 en Echternach en Luxemburgia
• Propozi a la Linguala Komitato
  • Wiki-situo ye www.ido.li
  • decidez mikra grupi di radiki unesme por plubonigar la proceduri (forsan dek o duadek)
  • propozo membreskar Jean Martignon en la LK. Proceduri por publikar libri per "Books on Demand".
  • nova vorti por la Pesch-radikaro? ma unesma listo di nova vorti da Tiberio Madonna
• Parolez Ido forsan subtenar Kiran, la DK kontaktos lu
• Anciena Ido literaturo
  • biblioteko di Jana Reunova
  • listo di skanigita libri ye http://www.ido.li
• Progreso, quo aparos balde

Pos la komuna dejuno eventis interesiva exkurso a Bebenhausen kun guidado tra la cisternala monakeyo e la kastelo.
Vespere eventis dejuno e komuna babilado en la liberaerala parto dil restorerio "Wurstküche".

Lundio 2010-08-23

Antedimeze Ingrid Suprayan guidis la partoprenanti, qui ankore ne departis, tra la "Franca Quartero",
ube ni dejunis en olima manjeyo por Franca armeani.
Posdimeze la partoprenanti travivis tre agreabla kanot-veho sur la rivero Neckar
e pose juis la bela cirkumajo cirkume la rivero.
La lasta dio dil Europana Idorenkontro 2010 en Tuebingen finis kun komuna dejuno ed agreabla vespero en la restorerio kun propra biriferio "Neckarmüllerei".
Ibe ni ankorfoye juis la Suabiana dishi e saporoza speci di biro.
En la tarda vespero omni adiis e l'Europana Idorenkontro 2010 en Tuebingen esis finita.

Omna partoprenanti travivis agreabla e neoblieviebla dii en Tuebingen.

Specala danko meritas Ingrid Suprayan pro l'ecelanta e diligenta aranjo di ica renkontro.

Til rivido okazione dil Europana Idorenkontro inter la 17ma e 21ma di agosto 2011 en Echternach (Luxemburgia)!!

Ligili

• JM: http://royalist-ido.blogspot.com
• RC: http://groups.yahoo.com/group/idolisto/message/21373
• TS: http://groups.yahoo.com/group/idolisto/message/21366
• IS: http://groups.yahoo.com/group/idolisto/message/21369

Jurnalaro

• Stuttgarter Nachrichten
• Dnews
• Pfälzischer Merkur
• Tübinger Wochenblatt
• Focus.de
• Uniklinikum-Leipzig-Zeitung
• Ruhr-Nachrichten
• Wolfestone Translation Blog
• Lausitzer Rundschau
• Page F30

Radio

• Deutschlandradio Kultur 11'
• Saarländischer Rundfunk
• SWR-Kindernetz