Invito a l'internaciona Ido-renkontro en Echternach 2011

Invito a l'internaciona Ido-renkontro inter la 17ma e 21ma di agosto 2011 en Echternach (Luxemburgia)

Me invitas vi deskovrar mea bela lando: Luxemburgia.
De la 17-ma til la 21-ma di agosto 2011 eventos en Echternach, Luxemburgia, la internaciona Ido-renkontro.

L'internaciona Ido-renkontro 2011 eventos en l'yunaralbergo en Echternach(Luxemburgia):

Gaby Bouhlel & Joël Martins
Chemin vers Rodenhof
L- 6487 Echternach
telefonilo: (+352)720158
faxilo: (+352)728735
Ica yunularalbergo esas apertita por omnu sendependante di evo, sexuo, kulturo, razo, nacionaleso, politikala opiniono o religio.

Echternach esas turistale un de la maxim interesiva loki en Luxemburgia e la sat nova e ne tre chera yunaralbergo situesas an bela lago.
Echternach ne distas tro multe de Luxemburg, do ni projetas vizitar la chef-urbo dum un jorno.

Atencez!!:
Pro ke l'anuncperiodo por gesamideani, qui deziras dormar en l'yunularalbergo finis ye la 17ma di junio 2011 omnu, qua ankore deziras asistar nia renkontro ed ne deklaris sua partopreno til ica dato devas ipsa sorgar por dormeyo en Echternach!!!
Ne esas permisata dormar en tendo en la albergo, ma esas tendeyo (camping) ne tre fora.

Yen mapo di Echternach:

Che A esas nia kunveneyo, che B esas la tendeyo. (On anke vidas la hotelo "Le Pavillon" en la centro di Echternach.)
La disto inter A e B esas preske 2km, do esas posibla irar pede.

On trovas informi pri la tendeyo en l'interreto en:

• Germana
• Franca
• Nederlandana
  ed
• Angla
  lingui.

Alternative ni povas ofrar tranoktposibleso en la hotelo "Le Pavillon", qua kustas 72 EURO po persono e nokto.
La disto inter l'yunaralbergo e la hotelo esas preske du kilometri, do esus posibla irar pede.

Anke existas hotelo qua situesas plu proxima a la albergo, ma ol esas 5-stela hotelo e konseque tre chera, do ni ne rekomendas ol.

Ni devos rezervar la kunveneyo e la bezonata chambri maxim tarde 2 monati ante la komenco dil renkontro.
Konseque omna gesamideani od interesemi, qui volas partoprenar e lojar en l'yunaralbergo devos anuncar lia partopreno til maxim tarde la 17ma di junio 2011!!
Ti, qui anuncos lia partopreno plu tarde ipsa devos sorgar pri chambro en Echternach!!

Voluntez anuncar vua partopreno explikante

• vua nomo, postala adreso ed e-postala adreso e telefon/faxnumero
• nombro di personi
• dio dil arivo e departo
• dezirata kategorio di chambro
• dezirata repasti (exemple vejetarana)
• propozi por la programo od la diskuti dum la laborkunsido

per e-postala mesajo a l'e-postala adreso:

idorenkontro2011@ido.li

L'aranjeri dil internaciona Idorenkontro 2011 en Echternach Steve Walesch e la direktantaro dil Germana Ido-Societo ja hodie prejoyas pri multnombra partopreno!!

Hike trovesas kelka fotografuri facita di Steve Walesch pri Luxemburgia.

Hike trovesas kelka fotografuri facita di Steve Walesch pri la chefurbo Luxemburg.

Hike trovesas la programo dil internaciona Ido-renkontro 2011 en Echternach

Til rivido okazione dil internaciona Idorenkontro 2011 en Echternach (Luxemburgia)!!

Kordiala saluti

Steve Walesch
aranjero dil internaciona Idorenkontro 2011

e

La direktantaro dil Germana Ido-Societo