IDO • Linguo Internaciona • Universala • Neutra • Facila


English Deutsch Français Plusa lingui

Novaji-Martignon-2010-Mayo


Vu esas la esma
vizitanto di ca ret-situo

Specala ofro

Ido-Situi

Kurseto por Infanti da A. Martinez (Hispania), PDF-file 2Mb

Elektronikala dicionarii

Ido-uzantogrupi

Diversa texti, literaturaji ed Idokursi

Plusa Situi

Idofonduri

Wiki interna

modifikez flanko-bendo

Impressum: / Impreso:

Inhaber der Internetpräsenz www.ido.li:
propietanto dil retsituo www.ido.li

Deutsche Ido-Gesellschaft e.V.
Germana Ido-Societo r.a.
c/o ver.di Berlin
FB 8 / AG Ido
Köpenicker Str. 30
D- 10179 Berlin

Onlinekontakt
Interreta kontaktformulario

Administrator der Internetpräsenz www.ido.li:
administranto dil ret-situo www.ido.li

Frank Kasper
Breitscheidstr. 22
D- 90459 Nürnberg

Onlinekontakt
Interreta kontaktformulario

Novaji-Martignon-2010-Mayo

Ye la 31ma di mayo 2010

Dio dil Vizit-festo.

DIO-CITAJO / La mondo esas tro mikra por me. (Alexandros la Granda)

ZODIAKO / En la zodiako-signo dil Jemeli guvernata dal planeto Merkuro.

VETERO / Griza e pluvema cielo, cajorne, en Francilia.

KONCIZE

INDIA / TRENO-EKRELIRO PRODUKTAS 146 VIKTIMI
L'Indiana sokursanti parfinis, hiere, lia serchado pri viktimi en treno subisinta acidento pasinta-venerdie en est-India, pos ke li fortiris 146 kadavri de la treno-framo. Ita dramato imputesas dal autoritatozia sabotajo dal Maoisti. La policani dicisrekoliir pruvi ke metalal plakiutiligita porjuntar secioni dil fervoyo deprenesabis.

UNIONITA REJIO / MINISTRO DEMISIONAS
Importanta ministro liberala-demokrata dil nova Britaniana guvernerio, direktata dal konservemi, anuncis pasinta-saturdie, lua demisiono, pos ke la diala jurnalo DAILY TELEGRAPH revelis ke il nedebate recevabis plu kam 40.000 pundi (47.100 �) per spensi-fakturi. Ica Statala sekretario por la publika Trezoro David Laws konsideresis kom numero du che la ministrerio pri financo.

JAPONIA / LA SOCIALISTI LIVAS LA GUVERNERIO
La partiso social-demokrata (PSD) anuncis, hiere, ke lu livas la koalisuro ye la povo en Japonia, motive dil kontroversata manteno di Usana militistal provizerio sur la insulo Okinawa, sud-Japonia. La Statala sekretariino por konsumado e prezidantino dil PSD repetabis ke el ne aceptos la manteno di ca militistal provizerio sur ca insulo. La PSD kombatas por transporto dil aludita provizerio ad-exter Okinawa.

Kordiala interretala saluti ad omni. JM :::-:::

Ye la 28ma di mayo 2010

Dio di santa Germanus.

DIO-PROVERBO / Quale la fripono, tale la bastono.

ZODIAKO / En la zodiako-signo dil Jemeli guvernata dal planeto Merkuro.

VETERO / Sunoza vetero, cajorne, en Francilia.

KONCIZE

PERU / ARESTO DIL PRECIPUA ABORIJENA GUIDANTO
Alberto Pizango arestesis lor lua retroveno di Nikaragua ube il refujabis dum junio 2009 pos afronti inter policani ed Indiani, qui opozesis a lega dekreti pri la exploto dil naturala richaji di Amazonia. Ica dekreti revokesis depos ta tempo. La aludita violentaji produktabis 34 mortinti e 200 vunditi. La judiciistaro akuzas Alberto Pizango advokir a la "sedicio" ed a la "rebelemeso".

RUSIA / ATENTO EFEKTIGAS SEP MORTINTI EN KAUKAZO
Explozo 'okuris' pasinta-merkurdie dum la fino dil posdimezo, proxim la palaco dil kulturo e dil sporti en l'urbo Stavropol, ube spektaklo di Checheniana dansi esis eventonta. La dicita atento produktis sep mortinti e triadeko de vunditi. Du explorenda traco-voyi kriminala esas privilejizita dal inquestisti : la islamista rebelaro qua esas aktiva en Kaukazo od, eventuale,nacionalista grupeto Rusa.

SUDAN / OMAR EL BESHIR IMPLIKAS SU POR L'UNESO DI CA LANDO
Ye la povo depos 21 yari, la Sudanana prezidanto Omar El Beshir komencis nova ofico-tempo ye kelka monati ante plebicito, dum venonta januaro, pri la sendependeso di la Sudo di ca lando. Il duras vizesarper aresto-dokumento dal internaciona punisala Korto pro milit-krimini e krimini kontre la homaro en Darfur.

Kordiala interretala saluti ad omni. JM :::-:::

Ye la 27ma di mayo 2010

Dio di santa Augustinus di Cantorbery.

DIO-PROVERBO / Defekton di naturo ne kovras veluro.

ZODIAKO / En la zodiako-signo dil Jemeli guvernata dal planeto Merkuro.

VETERO / Pluvema vetero, cajorne, en Francilia.

KONCIZE

TAILANDO / PREGI FACITA POR LA PACO EN BANGKOK
Li esis, hiere, mili de personi preganta por la paco en Bangkok, t.e. exakte un semano pos l'asalto dal armeani kontre la kampeyo di la "reda kamizi". Quankam ica ceremonii efektigesis da milo de Buddhista monaki, Mohamedani, Kristani, hinduisti e sikhi anke partoprenis la pregi, olqui komencis dum la matino sub la guidado dal guberniestro di Bangkok, Sukhumbhand Paribatra.

LIBANO / L'ARMEANI PAFAS KONTRE DU ISRAELANA AVIONI
La Libanan armeani pafeskis, hiere, kontre du Israelana avioni militistal qui violacis la aerala spaco di lia lando. La guvernerio di Beyrouth mencionas preske singladie tala flugi, qui konsideresas da UN/ONU kom violaco dil rezolvo 1701 dal Sekureso-Konsilantaro. La guvernerio di Israel, lua-latere, asertas ke ica flugi vizas surveyar transportidiarmi destinata a la Hezbollah.

UNIONITA REJIO / L'ARSENALO DI CA LANDO NE TRANSPASOS 225 ARMO-KAPI
La nova guvernerio Britaniana savigis publike, hiere, donataji qui tillore esis konfidencala, dum precizigar ke existas solio de 160 por la armo-kapi qui povas esar nemediate operacanta. La Franca guvernerio ja efektigis simila anunco dum marto 2008, kande lu indikabis ke lua arsenalo (pronta uzesar o ne) kontenus "min kam 300 armo-kapi".

Kordiala interretala saluti ad omni. JM :::-:::

Ye la 26ma di mayo 2010

Dio di santa Berengerus.

DIO-PROVERBO / La audacozi esas sucesoza.

ZODIAKO / En la zodiako-signo dil Jemeli guvernata dal planeto Merkuro.

VETERO / Sunoza cielo, cajorne, en Francilia.

KONCIZE

JAMAIKA / LA POLICANI KAPTAS ASALTE QUARTERO DIL CHEFURBO DI CA LANDO
La ordino-trupi entraprezis asalto, pasinta-lundie, kontre quartero di Kingston, pro ke li serchis chefo dil narkotaj-komercacho pri qua la guvernerio di Washtington postulas l'extrado a lua lando. Soldato mortigesis dum ica operaco, tale irigante til tri la nombro de mortigiti e til non olta de vunditi che la ordino-trupi depos la jus pasinta semano-fino. Segun la autoritatozi,quankam plura viri arestesis, la supozata komercistacho pri narkotaji, Christopher Coke, ne esas trovebla.

BOSNIA / SEGUN LUA FAMILIO, RATKO MLADIC, ESAS MORTINTA
La familio dil anciena militistal chefo dil Serbi en Bosnia, Ratko Mladic, postulata dal internaciona judiciistaro, demandos a la Serba autoritatozi proklamar ke lu esas mortinta. Ita proceduro povas impulsesar por personi evanta plu kam 70 yari e desaparinta de plu kam kin yari. Ratko Mladic evas 68 yari ma lua familio volas tale "finigar la tormenti" quin olu subisas. La Serba judiciistaro asertas ke lu intencas pludurigar la serchado.

LOUISIANA / LA DISPERSANTA PRODUKTURI UTILIGITA KONTRE LA NIGRA MAREO ESAS NEMULTE POLUTANTA
"Nia surveyo-sistemi indikas ke ita dispersanta produkturi dissolvas la petrolo ed aceleras lua biologiala destrukto kun ambientala efekti, qui, duminstante, esas limitizita", tale quietigis pasinta-lundie Lisa Jackson, direkterino dil Usana agenterio por la protekto dil ambiento. Ma ica responsivino tamen itere insistispor ke la petrolifera kompanio BP studiez la posibleso utiligar altra dispersanta produkturi potenciale min toxika por la ekologiala sistemo.

Kordiala interretala saluti ad omni. JM :::-:::

Ye la 21ma di mayo 2010

Dio di santa Konstantinus.

DIO-PROVERBO / Omna enterigiti esas plena de meriti.

ZODIAKO / En la zodiako-signo dil Jemeli guvernata dal planeto Merkuro.

VETERO / Blua e sunoza vetero, cajorne, en Francilia.

KONCIZE

IRAN / PREVIDEBLA PUNISI CHE LA SEKURESO-KONSILANTARO
Nur tri landi (Brazilialando, Libano, Turkia) de la dek-e-kindil sekureso-konsilantaro di UN/ONU esas nedezirema adoptarplusa rezolvo punisante Iran, opinionis hiere Bernard Kouchner, ministro di Francia por Exterlandala Aferi. La kin permananta membri omna aceptis olu lor preliminara konsulti, to quo lasas supozar lua balda adopto.

BRAZILIALANDO / DIGI MINACAS IZOLITA TRIBUI
Du granda digi nun konstruktata sur la Rio Madeira, t.e. enfluanto dil fluvio Amazona, en nord-Brazilialando, minacas la vivo di quar grupi de izolita Indiani, sen irga kontakto kun la extera mondo. Icon denuncis pasinta-merkurdie la NGO Survival International. Existus en Brazilialando sisadeko de mikra Indiana grupi qui vivas izolita de la Blanki, ma nur triadeko de li reperesis.

MALAWI / DEK-E-QUAR YARI DE KARCERO-PUNISO POR HOMEOSEXUALA PARO
Du yunuli, judiciata kom kulpinti pro violacir "l'ordino dil naturo", kondamnesis ye la maxim forta puniso de 14 yari de karcero-puniso ed a la punis-laboro en Malawi pos organizir la unesma simbolatra ceremonio di geyala mariajo en ica lando. Sur la Afrikana kontinento ube ita sexuala praktiko esas ofte perceptata kom importacita de Ocidento, 38 de la 53 Stati havas legi qui punisas la homeosexualeso.

Kordiala interretala saluti ad omni. JM :::-:::

Ye la 20ma di mayo 2010

Dio di santa Bernardinus.

DIO-PROVERBO / Ne omno oresas quo brilas.

ZODIAKO / Iro en la zodiako-signo dil Jemeli guvernata dal planeto Merkuro.

VETERO / Blua e sunoza cielo, cajorne, en Francilia.

KONCIZE

TAILANDO / LA GUVERNERIO AFRONTAS REBELI
Kurasizita chari dil Tailandana armeo entraprezis, merkurdie matine,forsar la barikadi dil fortifikata kampeyo di la "reda kamizi" kontre-guvernerial en Bangkok. Ico deskriptesis dal ministro pri Defenso quale kompleta inkluzo dil koncernata areo. Violentoza afronti produktis 39 mortinti e 300 vunditi inter pasinta-jovdie vespere e lundie.

HISPANIA / HISPANA URBO INTERDIKTAS LA SURHAVO DIL "BURQA"
La municipala konsilantaro di Lerida en Katalunia debatos, ye la fino di mayo, pri l'interdikto dil islamala velo integra en la publika arei. Porparolanto dil dicita municipo socialista deklaris ke la urbestro ja parolabis en pasinta periodo por l'interdikto dil integra velo se ico esus posiblaen la legala feldo, ye la nomo dil "fundamentala yuri" di la mulieri. Segun la porparolanto di ca municipo, Lerida kontenas cirkum 20% de enmigrinti, Latinida Amerikani, Rumani e Nord-Afrikani, en equala quanti.

SUEDIA / KOSOVANA AKUZATI
Du fratuli, evanta 19 e 21 yari, veninta de Kosovo ed akuzata pri "probo di kriminoza incendio" pos l'incendio qua domajis la domo di Lars Vilks, autoro, dum agosto 2007, di desegnuro reprezentanta profeto Muhammad kom hundo, akuzesis oficale dal Suedana judiciisti, on saveskis dal tribunalo di Helsingborg.

Kordiala interretala saluti ad omni. JM:::-:::

Ye la 19ma di mayo 2010

Dio di santa Ivo.

DIO-CITAJO / Lu esez odiata ta qua havas mala pensi pri co ! (rejo Edwardus III di Anglia)

ZODIAKO / En la zodiako-signo dil Tauro guvernata dal planeto Venero.

VETERO / Blua e sunoza cielo, cajorne, en Francilia.

KONCIZE

YEMEN / DU GERMANA YUNINETI QUI ESIS GAJO-HOMI LIBERIGESIS
Saudia Arabia rekuperis hiere an la frontiero kun Yemen du Germana yunineti raptita en 2009 kun lia fratuli e lia genitori. Eli asertas nesavar la fato di ca laste dicita. Kom membri di karitatala organizuro, la kin personi di ca Germana familio raptesabis dum junio 2009, en Saada, feudo dil shiista rebelaro, samatempe kam du altra exterlandani. La kadavri di du Germanini e di un Sud-Koreanino trovesis pos la rapto.

ISRAEL / LA GUVERNERIO DI TEL-AVIV REFUZAS LA PROPOZI DA QATAR
Segun la diala jurnalo Israelana HAARETZ, la Israelana guvernerio refuzabis dufoye ofro da Qatar por riestablisar diplomacala relati e riapertigar komercala kontoro Israelana en Doha. La chefa ministro Israelana renuncabis opoze a la demando dal Qatarani enirigar granda quanti de cemento en Gaza.

CHINIA / DEMENTIO PRI LA HEMALA POLUTO
La Chiniana autoritatozi dementiis informi publikigita, hiere, dal oficala jurnalaro qua citis raportajo segun qua plu kam du milion Chiniani mortas pro la hemala poluto singlayare. La Chiniana Centro por preventar e kontrolar morbi sendissavigo che lua interretal situo* tarde lundie vespere per explikar ke lu nule relatas kun la informi qui imputesis a lu.

Kordiala interretala saluti ad omni. JM :::-:::

Ye la 18ma di mayo 2010

Dio di santa Erikus.

DIO-PROVERBO / Di omna vicii ociado esas genitoro.

ZODIAKO / En la zodiako-signo dil Tauro guvernata dal planeto Venero.

VETERO / Grizeta cielo kun sunoza epizodi, cajorne, en Francilia.

KONCIZE

GUINEA / DEBUTO DIL PREZIDANTALA KAMPANIO
Guinea komencis oficale elektala kampanio, hiere, por la unesma prezidantala elekto libera di lua historio, olqua previdesas ye la venonta 27ma di junio e vartesas nepaciente dal majoritato de la habitantaro lokala qua volas la cesigo dil civila e militistal diktatoresi. Tri kandidati esas aparte mencioninda : Cellou Dalein Diallo (qua esis chefa ministro en 2004-2006), Alpha Conde e Sidya Toure (chefa ministro en 1996-1999).

IRAN / VAKILI RAD BALDE LIBERIGESOS
La ministro Francapri Interna Aferi, Brice Hortefeux esis signatonta hiere ekpulso-dekreto pri Vakili Rad, tale permisante lua liberigo. Ita Iranano kondamnesis ye dumviva karcero-puniso en Francia en 1994 pro la asasino dil ex-chefa ministro dil Shah Shapur Bakhtiar tri yari plu frue. Lua liberigo rifreshigis la suspekto pri obskura negociado inter la guvernerii di Paris e Teheran por la retroveno a Francia dil Francino Clotilde Reiss.

GLOBO / LA RELIGII INTERPELESAS PRI LA KONTRE-HOMEOSEXUALA ODIO
La sisesma Mondala dio pri la kontre-homeosexuala odio, hiere, markizesis cayare per advoko a la religii luktar kontre la netoleremeso. Konfero organizesis che diversa Nacionala Asembli dil mondo.

Kordiala interretala saluti ad omni. JM :::-:::

Ye la 17ma di mayo 2010

Dio di santa Paskalus.

DIO-PROVERBO / Di Siberia l'autuno esas orea autuno. (Siberiana proverbo)

ZODIAKO / En la zodiako-signo dil Tauro guvernata dal planeto Venero.

VETERO / Sat sunoza cielo, cajorne, en Francilia.

KONCIZE

IRAK / NOVA CHEFO POR AL-QAIDA
La konsulto-Konsilantaro dil Islamala Stato Irak, brancho di Al-Qaida, nominis nova "emiro" en ica lando, pos la morto di lua anciena chefo, tale raportis hiere la Usana centro por surveyo di islamista situi*, SITE. La aludita grupo nominis Abu Bakr Al Baghdadi kom "emiro dil kredanti" e Hussain Al Qurachi kom "chefa ministro", segun komunikajo pozita "online" sur islamista situo* pasinta-saturdie.

PROXIMA-ORIENTO / ABBAS RENKONTRAS LA USANA SENDATO
La Palestinana prezidanto Mahmud Abbas esas renkontronta morge la Usana sendato George Mitchell enkadre dil diskuti nedireta inter Israelani e Palestinani. Parolesos pri la unesma renkontro inter la du responsivi depos la ristarto dil Israelana-Palestinana dialogo, olqua posiblesis danke la impulso di diskuti nedireta sub la egido di Usa, ye la 9ma di mayo.

JAPONIA / PROTESTO EN OKINAWA KONTRE LA USANA MILITISTAL PROVIZERII
Mili de personi formacis, hiere, homala kateno de 13 km per cernar la Usana militistal provizeriodi le "marines" (ube vivas la duimo de la 47.000 Usana soldati di Japonia) en Okinawa, insulo di sud-Japonia, por postular la klozo di ca militistal instaluro divenanta sempre plu despopulara.

Kordiala interretala saluti ad omni. JM :::-:::

Ye la 11ma di mayo 2010

Dio di santa Estella.

DIO-PROVERBO / Duktas laboro ad honoro ed oro.

ZODIAKO / En la zodiako-signo dil Tauro guvernata dal planeto Venero.

VETERO / Griza e pluvoza cielo, cajorne, en Francilia.

KONCIZE

BELGIA / KONDAMNO DIL CHEFI DI GRUPO PROXIMA DE AL-QAIDA
Tri guidanti di "terorista grupo" ligata ad Al-Qaida kondamnesis, hiere, da Belga judiciisti ye punisiirante de tri til ok yari de karcero-puniso. Li esas kulpoza rekrutir volontarii en Belgia ed en Francia por luktor kontre la Ocidentala soldati en Afgania. Kin plusa akuzati kondamnesis ye punisi irante de tri til kin yari.

TAILANDO / LA MANIFESTI PLUDURAS
La manifestanti en Bangkok promisis hiere pludurigar lia ago kontre la guvernerio Tailandana til ke la vice-chefa ministro Suthep livros su a la policani e responsos pri la violentaji eventinta ye la 10ma di aprilo (25 mortinti e plu kam 800 vunditi). Il esis ironta a policeyo camatine.

BURMA / VIZITO DA USANA SENDATO
La Burmana opozantino Aung San Suu Kyi, mantenata en surveyata rezideyo dal militistal guvernerio di ca lando dum la tempo proxima a la deputital elekto, darfis parolar hiere kun Usana sendato, Kurt Campbell. Ica diplomacisto savigis ke Usa profunde deceptesas dal "Burmana guvernrio" koncerne la organizo-kondicioni dil elekto aludita.

Kordiala interretala saluti ad omni. JM :::-:::

Ye la 10ma di mayo 2010

Dio di santa Solanja.

DIO-PROVERBO / Agez rapide, agez bone. (Latina proverbo)

ZODIAKO / En la zodiako-signo dil Tauro guvernata dal planeto Venero.

VETERO / Griza cielo e pluvema vetero, cajorne, en Francilia.

KONCIZE

HISPANIA / LA REJO OPERACESIS DE NEGRAVA TUMORO CHE LA PULMONO
La rejo di Hispania Juan Carlos risaneskas "tre bone" de operaco subisita da lu pre-hiere en la hospitalo di Barcelona. La dicita operaco posibligis extraktar "pulmonala nodeto" segun tipo "negrava", tale asertis la medikala esquado. Ica monarko evanta 72 yari, aceptis hiere matine la vizito dal chefo dil guvernerio, Jose Luis Rodriguez Zapatero.

USA / LA TALIBANA TALIBANI ESAS DOP LA FALIINTA ATENTO
La Usana autoritatozi havas la pruvo ke la Pakistanana talibani esas dop la atento-probo per bomba veturo che Times Square, ye la pasinta 1ma di mayo. "Ni savas ke li helpis preparar ol. Ni savas ke li probable pekuniizis ol. E ke ilu (t.e. la suspektato Faisal Shazad) laboris ye lia imperi"", tale deklaris la Usana ministro pri Judicio Eric Holder, hiere che-televizione.

IRAN / KIN PENDI PRO TERORISMO
Un monarkiisto e quar membri dil armizita grupo rebela Kurda PIAK pendesis hiere, segun deklaro dal Statala advokataro di Teheran. La kin kondamniti akuzesis pri "terorist agi", inkluzanta atenti per bombo kontre guverneriala konstrukturi e publika konstrukturi.

Kordiala interretala saluti ad omni. JM :::-:::

Ye la 6ma di mayo 2010

Dio di santa Prudentia.

DIO-PROVERBO / Jemez e plorez, ma sempre laborez !

ZODIAKO / En la zodiako-signo dil Tauro guvernata dal planeto Venero.

VETERO / Sat sunoza cielo ma tre koldeta venteto e temperaturo, cajorne, en Francilia.

KONCIZE

USA / MEDIKAL UZADO DIL MARIJUANA EN WASHINGTON
La municipala konsilantaro di Washington permisis, pasinta-mardie, unanime la medikala uzado dil marijuana (kronika maladesi quale la AIDS/SIDA, la kancero, la multopla skleroso o la glaukomo*). Ja 14 Stati di Usa agis simile. Ok dispensarii povus instalesar en ica urbo. Li komprus lia medikamentala varo che agrokultivisti havanta permiso. Singlu de la dicita personi darfos kreskigar til 95 plantacaji de kanabo en internajo.

GERMANIA/ KARLHEINZ SCHREIBER KONDAMNESAS YE OK YARI DE KARCERO-PUNISO
La Germana-Kanadana armi-vendisto Karlheinz Schreiber, implikata en skandalo pri politikala pekuniizo qua propulsis Angela Merkel kom chefo dilGermana konservemi, kondamnesis hiere ye ok yari de karcero-puniso pro fiskala fraudo. La tribunalo di Augsburg, sud-Germania, agnoskis lu kom kulpozo pro fraudir la fisko ye pekunio-quanto de 7,5 milion euri inter 1988 e 1993, enkadre di plura internaciona vendi de armi.

EUROPANA UNIONO / PLURA CENTI DE AVIONALA FLUGI NIHILIGESAS EN EUROPA
L'Europana avionala spaco esis registragonta, hiere, 300 avionala flugi minuse kam en normala tempo, motive dil volkanala cindri venanta de Islando. Ico evaluesis dum la matinodal Europana organizuro por la avional navigado Eurocontrol. Ma 28.700 avional flugi duras previdesar. Koncernesas : parti de Islando, de west-Skotia, de Nord-Irlando e dil Republiko Irlando.

Kordiala interretala saluti ad omni. JM :::-:::

Ye la 5ma di mayo 2010

Dio di santa Judith.

DIO-PROVERBO / Plus valoras bona sanesala stando kam oro.

ZODIAKO / En la zodiako-signo dil Tauro guvernata dal planeto Venero.

VETERO / Sat sunoza cielo ma kun koldeta vento e temperaturo, cajorne, en Francilia.

KONCIZE

JAPONIA / TRANSMONDESKO DIL MAXIM EVOZA PERSONO DIL MONDO
La Japonianino Kama Chinen, konsiderata kom la maxim evoza persono dil mondo, mortis ye un semano ante elua 115ma aniversario pos konocir tri yarcenti, tale anuncis hiere la libro Guinness dil rekordi. La titulo dil maxim evoza persono dil mondo atribuesas, denun, a la Francino Eugenie Blanchard, evo 114 yari, qua vivas sur la insulo Guadeloupe segun la exploro-grupo pri gerontologio.

CHINIA / TAIWAN APERTIGAS TURISMALA REPREZENTEYO EN BEIJING (PEKINO)
Lo esas unesmafoya evento depos 1949 : "Kontoro di Beijing dil turismala Asociuro dil maro-stretajo di Taiwan" balde apertesos, por kurajigar la kontinentala Chiniani venor vizitar Taiwan. Ico esas plusa signo pri la diplomacal pluproximesko inter la guvernerio di Taipei ed olta di Beijing depos l'elekto di prezidento Ma Ying-jeou en 2008. Pasinta-yare, la Chiniana turisti (22% de la totajo del stranjera viziteri) spensis un miliard euri en Taiwan.

JAPONIA / KONTROVERSO PRI USANA MILITISTAL PROVIZEYO
La chefa ministro Japoniana Yukio Hatoyama anuncis, hiere, ke lu renuncas lua elektala promiso desaparigar la Usana militistal provizeyo kontroversata di Futenma, jacanta meze dil urbo sur la insulo Okinawa, sud-Japonia, ube habitas plu kam a duimo de la 48.000 Usana soldati halte-restanta en Japonia. Ica febleso-konfeso diminutos pluse lua nivelo di populareso, olqua transiris sub 30% de kontenta homi ye du monati de la senatala elekto.

Kordiala interretala saluti ad omni. JM :::-:::

Ye la 4ma di mayo 2010

Dio di santa Silvanus.

DIO-PROVERBO / Same kam esas plezuro dil yuneso existas plezuri dil oldeso.

ZODIAKO / En la zodiako-signo dil Tauro guvernata dal planeto Venero.

VETERO / Griza e pluvema cielo, cajorne, en Francilia.

KONCIZE

AFGANIA / GERMANA ISLAMISTO MORTIGESIS
Un de la Germana islamisti, maxim serchata dal guvernerio di Berlin, Eric Breininger, mortigesis pasinta-venerdie lor kombati kun Pakistanana soldati. La morto di ca viro evanta 22 yari, konvertita ad islamo e formacita militistale en exerco-kampeyi en Pakistan, anuncesis da grupo ligita al Uniono dil islamala jihad (UJI), t.e. Uzbekistiana organizuro proxima ad Al-Qaida.

SRI LANKA / NULA PROCESO POR LA PRECIPUA OPOZANTO
La nacionala apelo-korto haltigis, hiere, la kunvoko en milital korto di generalo Sarath Fonseka, anciena chefo dil armei e precipua opozanto dil Statestro. Tre klare vinkita lor la prezidantal elekto di pasinta januaro dal ekoficeskanta prezidanto Mahinda Rajapakse, ica generalo arestesis dum februaro pro suspekti pri stroko di Stato. Il anke persequesas pro "korupto".

EUROPANA UNIONO / LA DUADEK-E-SEP MEMBRA STATI PREPARAS SU AD OMNA NOVA AVIONALA KRIZO
La ministri por transporto di EU/UE esas asemblanta su hodie en Bruxelles por "studiar la motivi qui produktis la kaoso en l'Europana cielo e facar aranjuri por plu bone preparesar" a nova erupto dil Islandala volkano Eyjafj�ll. Interkonsento povus aceptesar pri acelerata validigo dil "unika cielo" Europeana,olqua, duminstante, previdesas por 2012.

Kordiala interretala saluti ad omni. JM :::-:::

Ye la 3ma di mayo 2010

Dio di santa Filipus.

DIO-CITAJO / Esar en paco kun su ipsa, lo esas esar en paco kun la tota mondo. (Roman Imperiestro Marcus Aurelius)

ZODIAKO / En la zodiako-signo dil Tauro guvernata dal planeto Venero.

VETERO / Griza e pluvema cielo kun koldeta temperaturo, cajorne, en Francilia.

KONCIZE

DARFUR / FINO DIL PACO-PROCESO
Ico anuncesis dal Movado por la yusteso e la egaleso (JEM), olqua esas la maxim militistal de la rebela grupi di Darfur, en west-Sudan. Nome, lu opinionas ke "la sencesa atako" entraprezita kontre lua pozicioni dal guvernerio di Khartum finigis la milito-ceso. Olta signatesis dum pasinta februaro en Doha kun politikal interkonsento. Asertite, olu esis havonta kom rezulto duriva paco kun la Sudanana autoritatozi.

USA / SOMITAL INTERRENKONTRO PRI LA INFORMADIKAL SEKURESO
Specalisti veninta de la tota mondo, laboranta sive por entraprezeyi sive por Stati, interrenkontras hodie en Texas por la mondala somital diskuto pri la sekureso dil interretala navigado ("Worldwide Cybersecurity Summit"). Li exploros la moyeni protektor la mondala infrastrukturi numerala kontre la informatikal ataki. Dum la recenta monati, serio de ataki veninta de Chinia vizis la Internet-giganto t.e. Google;

TURKIA / L'ARMEANI VOLAS "APLASTAR" LA KURDA REBELARO
Lo esas to quon promisis lua chefo Ilker Basbug, hiere, pos la morto di kin soldati Turka lor ataki dal Partiso di la laboristi di Kurdistan (PKK) dum periodo de du dii. Venerdie vespere, militistal posteno atakesis da rebeli en la provinco Tunceli, est-Turkia, ube quar soldati mortigesis e sep plusa vundesis, dum ke embusko proxim Lice, sudest-Turkia, perisigis un plusa soldato saturdie vespere.

Kordiala interretala saluti ad omni. JM :::-:::