IDO • Linguo Internaciona • Universala • Neutra • Facila


English Deutsch Français Plusa lingui

Novaji-Martignon-2011-Januaro


Vu esas la esma
vizitanto di ca ret-situo

Specala ofro

Ido-Situi

Kurseto por Infanti da A. Martinez (Hispania), PDF-file 2Mb

Elektronikala dicionarii

Ido-uzantogrupi

Diversa texti, literaturaji ed Idokursi

Plusa Situi

Idofonduri

Wiki interna

modifikez flanko-bendo

Impressum: / Impreso:

Inhaber der Internetpräsenz www.ido.li:
propietanto dil retsituo www.ido.li

Deutsche Ido-Gesellschaft e.V.
Germana Ido-Societo r.a.
c/o ver.di Berlin
FB 8 / AG Ido
Köpenicker Str. 30
D- 10179 Berlin

Onlinekontakt
Interreta kontaktformulario

Administrator der Internetpräsenz www.ido.li:
administranto dil ret-situo www.ido.li

Frank Kasper
Breitscheidstr. 22
D- 90459 Nürnberg

Onlinekontakt
Interreta kontaktformulario

Novaji-Martignon-2011-Januaro

Ye la 31ma di januaro 2011


Dio di santa Marcela.



DIO-PROVERBO / Dansar avan ulu sur pedi e manui.

ZODIAKO / En la zodiako-signo dil Varsero guvernata dal planeto Urano.


VETERO / Kelkete sunoza cielo kun kolda temperaturo, cajorne, en Francia.

KONCIZE

SUDAN / 98,83% DE LA HOMI ESAS POR LA SEPARO
98,83% de la Sud-Sudani votis favore a separo lor la plebicito por la sendependeso qua eventis dum la periodo de la 9ma til la 15ma di januaro, segun la unesma rezulti publikigita hiere dal elektala komisitaro di Sud-Sudan.

ALJERIA / INTERDIKTATA MARCHADO
La Aljeriana ministro pri Interna Aferi, Dahou Ould Kablia, memorigis hiere lor parolado kun la France-parolanta jurnalo LIBERTE ke nula marchado permisesos dal autoritatozi en Aljer. La strado-manifesti interdiktesas en Aljer depos la 14ma di junio 2001.


Dahou Ould Kablia

IRAN / LA MORTO POR PORNOGRAFIO
Iranana tribunali kondamnis ye morto-puniso du personi qui jeris pornografiala ret-situi, raportis hiere la agenterio Irna. Ye la komenco dil pasinta monato decembro, Iranana tribunalo ja kondamnabis informatikisto ye morto-puniso pro kreir pornografiala ret-situi che la interreto.

IRAN / KONTRABANDISTO MORTIGESAS
Turka kontrabandisto mortigesis ed altro vundesis da Iranana soldati dum ke li probis retroirar a Turkia departante de Iran kun gazolino-kargajo, raportis hiere l'agenterio Anatolia.

Kordiala interretala saluti ad omni. JM :::-:::

Ye la 28ma di januaro 2011


Dio di santa Tomas di Aquino.




DIO-PROVERBO / Por vua bono vun regalas bastono.

ZODIAKO / En la zodiako-signo dil Kaprikorno guvernata dal planeto Urano.

VETERO / Grizacha e pluvema cielo kun kolda venteto, cajorne, en Francilia.

KONCIZE

ITALIA / PLUSA MINORINO POR BERLUSCONI
La skandalo Rubygate, pri quo Silvio Berlusconi suspektesas rekursir a la prostituco di minorino, Karima El Mahrug, altranome Ruby, pluvasteskis hiere per la difuzo di dokumenti savigante ke plusa minorino invitesis lor la festi dil "Cavaliere".


Karima El Mahrug, altranome Ruby

POLOGNE / KUNVENO SUR LA JACEYO DI AUSCHWITZ
Kunvenis hiere sur la jaceyo dil anciena morto-kampeyo nacional-socialista di Auschwitz-Birkenau, simbolo dil Holokausto, okazione dil aniversario di lua liberigo, la Germana prezidanti, Christian Wulff, e Polona Bronislaw Komorowski. Li ambaadvokis a vigilado kontre la rasismo, la fashismo, la stranjeri-odio e la antisemidismo.

ALJERIA / VIRO PROBAS IMOLAR SU
Viro evanta 34 yari, qua jeris automobileyo probis imolar su per fairo pos obtenir rendevuo-refuzi venanta de la administrerial servi lokala. Depos la komenco dil monato januaro parolesas pri la nonesma imolo-probo en ica lando.

HISPANIA / BALDE LA RETRETO KOMENCOS YE 67 YARI
La socialista guvernerio socialista Hispana, la sindikati e la patronaro trovis elementi di interkonsento pri la reformo qua plutardigas ye la evo 67 yari la tempo dil departo por retreto.

Kordiala interretala saluti ad omni. JM :::-:::

Ye la 27ma di januaro 2011


Dio di santa Angela (nomo-festo dil Germana kancelerino Angela Merkel).



DIO-PROVERBO / Alta arboron frapas la fulmino.

ZODIAKO / En la zodiako-signo dil Varsero guvernata dal planeto Urano.

VETERO / Grizacha e pluvema cielo, cajorne, en Francilia.

KONCIZE

KUWAIT / IMPRESIVA DONACO
Rezolvesis facar donaco ye plu kam 5 miliard dolari okazione di nacionala festi. Singlu de la 1,15 milion Kuwaitani aborijena recevos 1.000 dinari (2.632 €) ed havos gratuite en sua dispono nutrivi til la monato marto 2012.

SERBIA / KRIMINI DAL KOSOVANI
La Serba prezidanto, Boris Tadic, demandis hiere ke entraprezesez punisala inquesto internaciona pri la krimini imputata a la Albana sendependisti di Kosovo, tale imitante olti efektigita dal punisala Tribunalo pri ex-Yugoslavia.


Boris Tadic

BELGIA / LA MEDIACERO RENUNCAS
La mediacero nominita dal rejo dil Belgiani, Albert II, por cesigar la senfina politikala krizo nacionala, Johan Vande Lanotte, prizentis hiere lua demisi. La Flandriana partisi e la France-parolanti duras esar nekapabla interkonsentar pri la futuro di ca lando.

GERMANIA / LUA SPOZINO IMPEDAS LU DORMAR
Turko vivanta en sudwest-Germania demandis a la policani helpar lu por kalmigar la sexuala nesaturebleso di lua spozino. Ica desfortunozo, exhaustita, ne plus povis "profitar ilua noktala repozo".

Kordiala interretala saluti ad omni. JM :::-:::

Ye la 26ma di januaro 2011


Dio di santa Paula.


Santa Paula e lua filiino santino Eustochium

DIO-PROVERBO / De semino putrajala venas frukto ne nutriva.

ZODIAKO / En la zodiako-signo dil Varsero guvernata dal planeto Urano.


VETERO / Grizega cielo pluvema, cajorne, en Francilia.

KONCIZE

UNIONITA REJIO / RATO CHE LA CHEFA MINISTRO
Esis emoco che la Britaniana informili. Nome, granda rodero filmagesis dufoye per televizional kameri sur la solio dil 10, Downing Street, olqua esas la rezideyo di David Cameron.

FINNLANDO* / INTOXIKO PER LA FUMURO DI PIMENTI
Quar personi aceptesis en hospitalo en Espoo, sud-Finnlando, pos intoxikesir per la emanaji extreme iritanta di kalcinitapimenti obliviita en forno.

VATIKANO / LA PAPO E LA FACILE OBTENEBLA PEKUNIO
Papo Benediktus XVI deploris, hiere, la "eciteso" di "la serchado por facile obtenebla pekunio" e di "la suceso" kom "skopo di la vivo, mem ye la detrimento dil etikala valori".


Papo Benediktus XVI qua deploras la perdo dil etikala valori

CHINIA / MAPI MALE RELATANTA KUN LA GEOGRAFIO Segun la diala jurnalo THE GUARDIAN, la "software" pri informatikal mapi dil Chiniana guvernerio, titulizita Map World, situas plura urbi di est-Europa sur la Britaniana teritorio.
Kordiala interretala saluti ad omni. JM :::-:::

Ye la 25ma di januaro 2011


Dio dil konverto di santa Paulus.



DIO-PROVERBO / Se tu ne trovas tua enemiko, agez tale ke il trovez tu.

ZODIAKO / En la zodiako-signo dil Varsero guvernata dal planeto Saturno.

VETERO / Grizeta cielo, cajorne, en Francilia.

KONCIZE

HISPANIA / LA EVO POR RETRETO DEBATESAS
La Hispana guvernerio probas obtenar interkonsento kun la sindikati pri la reformo irigante til 67 yari la evo dil departo por retreto, olqua prizentesos venonta-venerdie che la ministri-Konsilantaro.

ITALIA / La "PUNK"-MOVADO CHE LA "VILLA" MEDICIS
En la famoza "villa" Medicis, en Roma, l'Akademio di Francia prizentas til la fino di marto Eropunk, olqua esas la unesma mondala retrospektanta spektaklo mondala pri la "punk"-movado kom vidala arto.

EGIPTIA / LA GUVERNERIO DI AL QAHIRA (KAIRO) VOLAS REKUPERAR LA BUSTO DI NEFERTITI
Demando por restituco dil busto di rejino Nefertiti prizentita a la Germani transmisesis a la guvernerio di Berlin. Segun Egiptiana autoritatozi, lu esabus ekirigita nelegale di lia lando.


La busto di Nefertiti

CHINIA / KURSO PRI POLITESO EN LA SKOLI
Pro konstatir mala kustumi, la skolala autoritatozi di Chinia rezolvis ke omna skolani di ca lando mustos asistar kursi pri deco e politeso. (Ico esus anke tre utila hodie en west-Europa NDLT).

Kordiala interretala saluti ad omni. JM :::-:::

Ye la 24ma di januaro 2011


Dio di santa Franciskus de Sales.



DIO-PROVERBO / Ne en un dio konstruktesis Kartago.

ZODIAKO / En la zodiako-signo dil Varsero guvernata dal planeto Urano.

VETERO / Grizacha cielo e pluveto, cajorne, en Francilia.

KONCIZE

UNIONITA REJIO / LA DIREKTISTO POR KOMUNIKADO DI DAVID CAMERON DEMISIONAS
Andy Coulson, direktisto por komunikado dil Britaniana chefa ministro, koaktesis demisionar pasinta-venerdie, pro skandalo pri telefonala askoltado nelegala qua esabus efektigita dal "tabloid"-jurnalo NEWS OF THE WORLD kande il esis la chefa redaktisto di ol. Andy Coulson esabis un de la instrumenti dil rikonquesto di la povo da le "Tories" dum pasinta mayo.


Andy Coulson

TERORISMO / MINACANTA MESAJO DA USSAMA BEN LADEN
La chefo dil reto Al-Qaida, lor sonora enrejistro difuzita pasinta-venerdie, ligis la fato dil Franca gajo-homi ye la retreto da Francia de Afgania, per avertar ke la pozicioni dil prezidanto Nikolaos Sarkozius kustos "chere" a lua lando. Parolesas pri la duesma mesajo da Ben Laden minacanta la Franca guvernerio depos pasinta oktobro.

NEDERLANDO / LA STUDENTI MANIFESTAS KONTRE REFORMO DIL DOCADO
Plu kam 20.000 studenti, segun la organizinti, 11.000 segun la policani, manifestis pasinta-venerdie en Den Haag kontre la guvernerio, qua volas rekuperar 370 milion euri singlayare per aplikar amendo de 3000 € a ti qui studias plu longatempe kam previdas lia "cursus". La edukerii, koncerne li, pagus 6000 € pro singla persono studianta plu longatempe kam previdita.

Kordiala interretalas saluti ad omni. JM :::-:::

Ye la 21ma di januaro 2011


Dio di santino Agnes.



DIO-PROVERBO / Apertita kelero tentas a furto.

ZODIAKO / En la zodiako-signo dil Varsero guvernata dal planeto Urano.


VETERO / Grizeta cielo kun kolda temperaturo, cajorne, en Francilia.

KONCIZE

MAROKO / LA AUTORITATOZI DI BRUXELLES BLOKUSIGAS QUAR ELEFANTI
Quar cirko-elefanti blokusesas en Maroko per Europana regulizo impedanta lia retroveno a Francia. Lia dresisto timas ke lu mustos eutanaziigar li.

IRLANDO / ELEKTO DU MONATI POS NUN
Deputital elekto eventos ye la venonta 11ma di marto, anuncis hiere la Chefa ministro Brian Cowen, ilqua koaktesis nevalidigar la Parlamento.

GERMANIA / SEDICIO INTERNE DI NAVO
Oficira lernanti dil navaro sediciis sur skola navo pos la morto di kadeta lernantino evanta 25 yari. Elu falis de la alteso di masto.

EGIPTIA / MALA RELATI KUN VATIKANO
La maxim supera institucuro dil sunnista islamo, la universitato Al-Azhar, di Al-Qahira (Kairo), renuncas lua kunveni kun Vatikanani. Nome, la papo indignabis pri l'opresado dil ne-Mohamedisti en Mez-Oriento.

HUNGARIA / NAZISTA KRIMININTO OPINIONAS ESAR "DIFAMITA"
Il konsideresas kom un de la responsivi di masakro di civili dum 1942 en Serbia. Sandor Kepiro opinionas ke il difamesas dal direktisto dil centro Simon-Wiesenthal qua trakas la nazista krimininti.


Sandor Kepiro

Kordiala interretala saluti ad omni. JM :::-:::

Ye la 20ma di januaro 2011


Dio di santa Sebastianus.



DIO-PROVERBO / Sub tero sklavo e mastro ne diferas per valoro.

ZODIAKO / Iro en la zodiako-signo dil Varsero guvernata dal planeto Urano.

VETERO / Sunoza cielo ma koldeskanta temperaturo, cajorne, en Francilia.

KONCIZE

BOLIVIA / DRINKAJO YE KOKAO-FOLIO
Ita lando qua agas "lobbying" internaciona favore a la ceso dil punisebleso di la uzado dil kokao-folio, jus impulsis oficale gasoza drinkajo kontenanta elementi di ca aludita planto, olqua esas l'origino dil kokaino.

HISPANIA / MILO DE ALJERIANI EKPULSESIS
Plu kam 1.400 nelegala enmigranti Aljeriana ekpulsesis de Hispania en 2010, segun donataji komunikita hiere dal Aljeriana ministrerio por Exterlandala Aferi.

GERMANIA / NOKTO-LAKTO, DOLCA NOKTO
Firmo propozas aparta lakto. Produktita dum la nokto da bovini balnanta en redatra lumo, lu posibligus, segun ca firmo, luktar kontre la nedormiveso.

UNIONITA REJIO / CENTYARA WISKIO
Tri boteli de wiskio forportita en 1907,ad Antarktika dal exploristo Angla-Irlandana Ernest Shackleton, retroportesis en Skotia.


Ernest Shackleton

GREKIA / APOTEKISTI ED ADVOKATI STRIKAS
Apotekisti ed advokati Greka kontestas projeto por senregulizar lia profesioni, olqua postulesas da Europana Uniono edal internaciona komercala kapitalo.

Kordiala interretala saluti ad omni. JM :::-:::

Ye la 19ma di januaro 2011


Dio di santa Marius (e lua familio.




DIO-PROVERBO / Ta qua havas oro, havas honoro.

ZODIAKO / En la zodiako-signo dil Kaprikorno guvernata dal planeto Saturno.


VETERO / Grizeta cielo kun sunoza epizodi ma koldeskanta temperaturo, cajorne, en Francilia.

KONCIZE

USA / DIALA JURNALO SUR IPAD
Lo esas en San Francisco ke la magnato dil jurnalaro Rupert Murdoch esas impulsonta cadie THE DAILY, t.e. diala jurnalo pagenda e nur disponebla sur iPad.

ITALIA / SILVIO BERLUSCONI AKUZATA PRI PROSTITUCO
L'Italiana prezidanto dil Konsilantaro nun akuzesas pri prostituco di minora yunini e pri misuzo dil avantaji di lua ofico. Il kontestas ica akuzo.

HAITI / BABY DOC CHE LA TRIBUNALO
L'anciena diktatoro Haitiana Jean-Claude Duvalier livis hiere lua hotelo di Port-au-Prince eskortata da policani por duktesar a la tribunalo.

GERMANIA / MEMORIALO POR PAULUS LA POLPO
Paulus la Polpo, qua esis vera mediumo di la futbalal mondo-kupo di 2010 e qua mortis ye la pasinta 26ma di oktobro, yurizesos havar memoriala ye lua honoro, en la aquario di Oberhausen.


Paulus la Polpo

GREKIA / LA PREZIDANTO E LA "BARBARO" TURKA
Hiere, lor aceptar en Athina lua Armeniana kolego, Sergius Sarkissian, la Greka prezidanto, Karolos Papoulias, deklaris aludante la Turki : "Ni masakresis dal sama barbaro".


Karolos Papoulias

Kordiala interretala saluti ad omni. JM :::-:::

Ye la 18ma di januaro 2011


Dio di santa Prisca.


DIO-PROVERBO / Siniori interfrapas, servisti vundin recevas.

ZODIAKO / En la zodiako-signo dil Kaprikorno guvernata dal planeto Saturno.


VETERO / Griza cielo kun milda temperaturo, cajorne, en Francilia.

KONCIZE

HISPANIA / LA HISPANA GUVERNERIO IMPULSAS PRUNTO YE DEK YARI
La Hispana trezoro impulsis, pasinta-lundie, prunto ye 10 yari tra la banki, havanta la skopo obtenar 4 til 5 miliard euri. Tala prunto posibligus ad Hispania ne bezonar rekurso a la financala merkati, di qui la procenti esas tre alta, pro la frajileso di ca lando.

INDIA / MILI DE SUOCIDINTI
Plu kam 17.000 rurani suocidis en 2009, t.e. plualtigo ye 7% kompare a la preirinta yaro. Multa de li charjabis su per debi pos la maxim febla musono eventinta depos triadek-e-sep yari, olqua reduktis lia rekoltaji a nihilo e ruinis li.

RUSIA / LENIN E NIKOLAOS II
Segun la jurnalo Rusa IZVESTIA, l'inquesto pri la mortigo di la lasta caro di Rusia, Nikolaos II, e di lua familio, qua masakresis, ne deskovrigis elementi pruvanta ke Lenin, patro dil oktobro-revoluciono, imperabis ocidar li.



Nikolaos II, lasta imperiestro di Rusia

YEMEN / LA MORTIGERO DI FRANCO KONDAMNESIS
Hiere, la mortigero di Franco, Jacques Spagnolo, asasinata ye la pasinta 6ma di oktobro, kondamnesis ye morto-puniso. Konjekteble il agabis segun instigo dal extremista "imam" Anwar al-Aulaqi, ilqua esas Usana-Yemenana ed esas aktive serchata dal autoritatozi di Usa.

Kordiala interretala saluti ad omni.







Tue Jan18,2011 12:42pm


Show Message Info



#3276 of 3350


Msg List




<Prev

|



Next>



View Source
UseFixedWidthFont
UnwrapLines




"Martignon" <martignon.jean@...>

jeanmartignon

Offline
Send Email












Attachment
image-phpLQEpzq.jpg&t=1&h=94&w=122&usg=__ZXtTIFDHWxTacMBk2KRP0t8w-0E=

Type:

application/octet-stream












Attachment
capricorne.jpg

Type:

image/jpeg












Attachment
230px-Nicolas_II_photographie_couleur.jpg

Type:

image/jpeg




















<Prev Message
| Next Message>
















Expand Messages
Author

Sort by Date







KELKA NOVAJETI [18/01/2011] (XVIII.I.MMXI)


Ye la 18ma di januaro 2011



Martignon

jeanmartignon






Jan18,2011
12:42pm













<Prev Topic | Next Topic>


















Message #





Search:


Advanced


Start Topic










Copyright © 2010 Yahoo! Inc. All rights reserved.

Privacy Policy -
Terms of Service -
Guidelines -
Help












Ye la 17ma di januaro 2011


Dio di santa Roselina.



DIO-PROVERBO / Per insulto ed iraco ne klareskas afero.

ZODIAKO / En la zodiako-signo dil Kaprikorno guvernata dal planeto Saturno.


VETERO / Grizega cielo ma milda temperaturo, cajorne, en Francilia.

KONCIZE

EGIPTIA / MORTIGERO DI KOPTI KONDAMNESIS

ye la 6ma di januaro 2010


AUSTRALIA / LA INUNDI ATINGAS LA SUDO
3.500 habitanti dil Stato Victoria, en la sudo di ca lando, livis lia domo e plu kam mil habiteyi inundesis, pro forta pluvi qui diplasas su departante de nordest-Australia, ube 18 personi renkontris la morto

UNIONITA REJIO / ANGLIKANA PRELATI KONVERTESAS
Li esas le unesma qui respondas la propozo da papo Benediktus XVI rajuntar la katolika Eklezio. Tri anciena Anglikana episkopi, qui esas desfavoroza a la konsakro di mulieri kom episkopi, ordinacesis kom sacerdoti en la katedralo di Westminster en London.

FRANCIA - AQUITANIA / BRITANIANINO PREMIIZESAS
Lexine Hepworth vinkis lor la duesma edito di koquartala konkurso organizata enkadre dil Festo internaciona dil truflo di Sarlat, departmento Dordogne. Ita Britanianino evanta 19 yari, lernantino dil hotelal gimnazio di Souillac, departmento Lot, konquestis la papili dil chefa koquisti di la koncernata jurio.


Lexine Hepworth ed amiko

Kordiala interretala saluti ad omni. JM :::-:::

Ye la 14ma di januaro 2011


Dio di santa Nina.



DIO-PROVERBO / Altra domi, altra homi.

ZODIAKO / En la zodiako-signo dil Kaprikorno guvernata dal planeto Saturno.

VETERO / Griza cielo e milda temperaturo, cajorne, en Francilia.

KONCIZE

ARABIA SAUDIA - FRANCIA / DEK YARI EN KARCERO POR SAUDIANA PRINCO
FrancaKorto di kasaco refuzis la rekurso facita dal Saudiana princo Nayef Bin Fawaz al Chaalan, igante tale definitiva lua kondamno ye 10 yari de karcero-puniso e de 7 milion amendi pro kokaino-komercacho. Dum mayo 2007, la deliktala tribunalo di Bobigny judiciabis lu kom kulpinta pro utiligir ilua diplomacala statuto por importacar 2 tuni de kokaino por la profito di Kolumbiana narkotaj-federuri, e kondamnabis lu ye dek yari de karcero-puniso sen ajorno.

TUNIZIA / BEN ALI DIVENAS PLU CEDEMA
Prezidanto Zine el Abidine Ben Ali imperis hiere vespere a la sekureso-trupi ne plus pafar kontre la manifestanti ed anuncis ke il ne solicitos plusa ofico-tempo en 2014. Ica Tuniziana Statestro, qua konfrontesas a kontesto-ondo sen precedento depos lua arivo ye la povo 23 yari ante nun. Il anke imperis diminuto dil preci di pano, lakto e sukro. Ben Ali, qua intervenis triesmafoye ye la televiziono depos la komenco dil trubli, promisis pluse la libereso dil jurnalaro e la fino dil blokigo-aranjuri di la interretala situi*.


Ben Ali

GLOBO - FRANCIA/ ALTANIVELADIPLOMI E FEBLA FEKUNDESO
La nivelo dil diplomi havas rolo pri la fekundeso dil mulieri, tam pri la nombro de filii kam pri la evo ye qua eli parturas, ed havas anke influo relate la instalo en la paro-vivo, savigas studiuro dil nacionala Instituto por demografiala studii (Ined) publikigita hiere en Francia. "La fekundeso dil mulieri naskinta en Francia metropolana orientizas su vers stabileso dil meza nombro de filii", t.e. aproxime du, ma ol varias segun la diplomo, remarkigas ica studiuro apogante su sur donataji dil konto inter 2000 e 2008.

Kordiala interretala saluti ad omni. JM :::-:::

Ye la 13ma di januaro 2011


Dio di santa Iveta.

DIO-PROVERBO / Parentin povro ne havas.

ZODIAKO / En la zodiako-signo dil Kaprikorno guvernata dal planeto Saturno.

VETERO / Grizeta cielo e milda temperaturo, cajorne, en Francilia.

KONCIZE

UNIONITA REJIO / CAMERON ATAKAS LA "BONUS"-I
Dum la debato pri la questiono dil "bonus"-i pagita a la bankisti, la Britaniana chefa ministro, David Cameron, iteris lua intenco diminutar la "bonus"-i kolektita dal bankisti di la City. Ma il savigis pri nula pekunio-quanto. La polemiko carelate ristartis en Britania kande la jurnalaro anuncis ke du direktisti di banki, olqui recente salvesabis dal Stato, esus recevonta nemikra premii.

KOSOVO / DOKTORO FRANKENSTEIN ARESTESIS
Yusuf Sommez, Turka mediko qua serchesas pro lua supozata impliko en komercacho pri organi en Kosovo e qua surnomizesas Doktoro Frankenstein, arestesis en Istanbul, anuncis hiere la komisitaro por polico e yusteso di Europana Uniono (Eulex)en Pristina. Ica aresto eventas pos la publikigo di raporto da Dick Marty, membro dil Konsilantaro di Europa, olqua divenis publika dum la mezo di decembro, ed akuzanta precipue la Kosovana chefa ministro ekoficeskanta, Hashim Thaci, pri organi-komercacho efektigita ye Serba milit-kaptiti en Albaniana teritorio dum e pos la konflikto en Kosovo.


Yusuf Sommez (Doktoro Frankenstein)

CHINIA / REVUO PRI LA VINI DI FRANCIA
LA REVUE DU VIN DE FRANCE (RVF) impulsos dum la venonta printempo lua unesma edituro stranjera en la Chiniana linguo, anuncis hiere la afer-grupo Marie Claire qua editas ica titulo. La dicita monatala revuo, kreita en 1927, divenis la Europana numero un de la jurnali dedikata a la vino e una de la tri refer-revui publikigita en la mondo kun la Angle-parolanta fakala jurnali DECANTER e WINE SPECTATOR.

Kordiala interretala saluti ad omni. JM :::-:::

Ye la 12ma di januaro 2011


Dio di santa Tatiana.



DIO-PROVERBO / Hemala dometo esas quale matreto.

ZODIAKO / En la zodiako-signo dil Kaprikorno guvernata dal planeto Saturno.

VETERO / Grizacha e pluvema cielo, cajorne, en Francilia.

KONCIZE

IRAN / DEK-E-UN YARI DE KARCERO-PUNISO POR L'ADVOKATINO NASRIN SOTOUDEH
L'Iranana judiciisti kondamnis elu prehiere ue dek-e-un yari de karcero-puniso pro lua ago favore a la homala yuri, tale plulongigante la listo de la personi grave kondamnita pos la trubli sequinta la rielekto kontestata di prezidanto Mahmoud Ahmadinejad. Ita proximino dil Nobel-premiizito pri paco Chirine Ebadi kondamnesis anke ye duadek yari di interdikto praktikar elua advokata profesiono e mustos livar Iran.


Nasrin Sotoudeh

USA / LA FRANCIA GUVERNERIO "VOLAS LABORAR MANUO EN LA MANUO" KUN LA USANA GUVERNERIO
Nikolaos Sarkozius asertis lo, lor renkontro kun lua kolego Barack Obama, prehiere en Washington, olqua destinesis facar komuna propozi pri la pekunii enkadre dil G20. La questiono pri la lukto kontre la terorismo, anke esis la precipua temo dil diskuti inter amba prezidanti.

GLOBO / MICHEL KAZATCHKINE RIENDUKTESAS KOM CHEFO DI LA LUKTO-FONDURO KONTRE AIDS/SIDA
La exekutanta direktisto dil mondala Fonduro por lukto kontre aidso*, tuberkloso e marsho-morbo, la Franco Michel Kazatchkine, elektita en 2007, rienduktesis che ita ofico por ofico-tempo duronta dum tri yari, "egardante la qualesi kom direktanto quin il pruvis posedar kom chefo di ca organizuro", anuncis hiere la porparolanti dil Fonduro, kreata en 2002 e di qua la sideyo esas en Geneve. Ita nova ofico-tempo valoras til marto 2014.

Kordiala interretala saluti ad omni. JM :::-:::

Ye la 11ma di januaro 2011


Dio di santa Paulinus.



DIO-PROVERBO / Ta qua iras experiencoze, ita iras certe.

ZODIAKO / En la zodiako-signo dil Kaprikorno guvernata dal planeto Saturno.



VETERO / Grizeta cielo e milda temperaturo, cajorne, en Francilia.

KONCIZE

EUROPA / REGIONI
Tri regionala Stati sud-Germana prosperoza, inter oli esas Bavaria, preparas ago judiciala kontre la repartiso dil publika financi, olqua havas kom rezulto ke la richa "Laender"-i pagas por le cetera. "Kun Bade Wuerttemberg ed Hessen, ni preparos plendo kontre la existanta sistemo di repartiso dil 'resursi'" explikis en la kolumni dil ekonomikala diala jurnalo HANDELSBLATT la Bavariana ministro pri Financi Georg Fahrenschon.

CHINIA - UNIONITA REJIO / KOMERCALA RELATI
Pos Hispania e Germania, la Chiniana vice-chefa ministro Li Kegiang arivis pasinta-sundie en Unionita Rejio por sejorno duronta dum quar dii aspektanta quaze Statala vizito destinota impulsar la komercala kambii inter amba landi. Veninta dum matino-fino en Edinburgh, Skotia, la Chiniana responsivo vartis nur dum kelka hori por signatar la komercala kontrato unesma de serio qua, segun semblo, esos longa. La kontratala interkonsento ye 10 milion dolari (7,7 milion euri) previdas l'utiligo di "verda" teknologii inventita en Skotia por la konstrukto en Chinia di centralo produktanta energio departante de domala rezidui. La guvernerii di London e Beijing (Pekino) asignis a su la skopo duopligar lia komercala kambii por superirigar a li la simbolatrabarilo de 100 miliard dolari til kin yari pos nun. Ita laste dicita ja kreskis remarkindege ye 30% dum la periodo iranta de januaro til oktobro 2010, ye 40,2 miliard dolari.


Li Kegiang

IRAN / AVIONALA ACIDENTO
Sepadek-e-un personi renkontris la morto e triadek-e-kin vundesis pasinta-sundie lor l'acidento di aviono apartenanta a la nacionala kompanio Iran Air proxim la urbo Orumiyeh, nordwest-Iran, segun bilanco dal vice-guberniestro dil koncernata provinco. La mala vetero semblas esar la precipua kauzo di ca desfelicajo : la flugo preske nihiligesis pro la nivo.

Kordiala interretala saluti ad omni. JM :::-:::

Ye la 10ma di januaro 2011


Dio di santa Guglielmus.




DIO-PROVERBO / Al vinko yuro venas, se olun forteso sustenas.

ZODIAKO / En la zodiako-signo dil Kaprikorno guvernata dal planeto Saturno.


VETERO / Sat sunoza cielo, cajorne, en Francilia.

KONCIZE

RUSIA / MEDVEDEV SALUTAS LA RELIGIALA RINOVESKO
La Rusa prezidanto, Dmitri Medvedev, salutispasinta-semane la rinovigo dil religio en Rusia okazione dil celebro dil ortodoxista Kristnasko. "Me esas tre kontenta ke nun on povas celebrar Kristnasko, t.e. la dio kande la Salvero venis en la mondo, ica dio celebresas da omna Kristani", s-ro Medvedev deklaris dum asistar celebro di Kristnasko en orfaneyo meze di Rusia. "Tale la vivo chanjas", dicis pluse s-ro Medvedev.

UNIONITA REJIO / DEPUTITO ENKARCERIGESIS
Anciena deputito di la Labor-partiso kondamnesis hiere en London ye un yaro e duimo de karcero-puniso pro kontadala falsigo, tale divenante la unesma elektito enkarcerigita pos grandega skandalo pri spenso-noti qua sordidigis la Britaniana deputiti en 2009. David Chaytor, evo 61 yari, pledabis kom kulpinto pro furnisir falsa fakturi por sumo de 22.650 pundi (27.000 €) en la skopo rimborsesar ye oli sur lua noto pri parlamentala spensi.


David Chaytor

PIKARDIA (FRANCIA) / GIMNAZIALA SURVEYISTINO BATEGESIS
Segun informo publikigita dal interretala reto dil jurnalo COURRIER PICARD, surveyistino dil gimnazio Guy-Mareschal en Amiens, departmento Somme, atakesis e bategesis da skolani fine dil pasinta semano. Dum ke el probis ekirigar dicipuli asistanta en la kontoro dil skolala vivo, ita viktimo jetesis adsur-sule e plura skolani bategis elu. Lua kolegi rezolvis ne plus docar kursi segun legala yuro.

Kordiala interretala saluti ad omni. JM :::-:::

Ye la 7ma di januaro 2011


Dio di santa Raimundo.




DIO-PROVERBO / Pendigonto ne dronesos.

ZODIAKO / En la zodiako-signo dil Kaprikorno guvernata dal planeto Saturno.


VETERO / Grizega e pluvema cielo kun milda temperaturo, cajorne, en Francilia.

KONCIZE

GERMANIA / SUCESO DIL EXPOZO HITLER E LA GERMANI
La Berlinana expozo Hitler e la Germaniesas tre sucesoza e prolongesis ye tri semani til la 27ma di februaro, tale anuncis hiere la muzeo pri la Germana Historio (DGM). Ita expozo qua komencis dum pasinta oktobro en ica anciena chefurbo dil"Reich" atraktis plu kam 170.000 vizitanti, veninta de tota Germania maanke de tota Europa, savigis la porparolanto di ca muzeo, Rudolf Trabold.

UNIONITA REJIO / KANABO EN LA PORTRETO DI ADEBAYOR
Un kilogramo de kanabo-narkotajo deskovresis en la kadro di pikturo reprezentanto la Togolandana futbalisto Emmanuel Adebayor, qualudas en Manchester City, lor kontrolo en centro di postala selekto en Anglia. Icononu saveskis hiere vespere.La dicita portreto sendita de Togolando destinesis ad adreso en Tottenham, quartero di nord-London, olqua shirmas la rivala futbal-klubo di Arsenal por qua ludabis la futbal-atakanto Adebayor.


Emmanuel Adebayor

FRANCIA / "DISC-jOCKEY" ATAKITA E MORTINTA LA ANTILIANA KOMUNAJO IRACESKAS
Pos la transmondesko prehiere di Claudy Elisor, evo 33 yari, la aluditaDJ linchata en Blanc-Mesnil (departmento Seine-Saint-Denis) dum la nokto di Santa Silvestrus (lasta yarodio), la emoco esas forta interne di la Antiliana komunajo di kontinentala Francia. "Esas multa bitreso, explikas Claudy Siar, prezidantodil radiofoneyo* radio Tropiques FM.
"La Antiliani ne intelektas pro quo la policani dum tanta longa tempo ne reaktis nek pro quo nula membro dil Franca guvernerio dicis irgo pos ica dramato. To quo desquietigas me, lo esas la riski pri tensi qui povas naskar de ca dramato, itaque* me advokas la homi restar kalma. Ma me anke demandas, ke on trovez maxim rapide la atakinti." dicis pluse Patrick Karam, interministrerial delegito por la egaleso dil chanci di la transmara Franci.

Kordiala interretala saluti ad omni.









Fri Jan7,2011 1:08pm


Show Message Info



#3255 of 3350


Msg List




<Prev

|



Next>



View Source
UseFixedWidthFont
UnwrapLines




"Martignon" <martignon.jean@...>

jeanmartignon

Offline
Send Email












Attachment
penyafort.jpg&t=1&h=196&w=154&usg=__v9lfcj2WSeodhGTVEz5VdzAZmCU=

Type:

application/octet-stream












Attachment
capricorne.jpg

Type:

image/jpeg












Attachment
200px-Emmanuel_Adebayor.jpg

Type:

image/jpeg




















<Prev Message
| Next Message>
















Expand Messages
Author

Sort by Date







KELKA NOVAJETI [07/01/2011] (VII.I.MMXI)


Ye la 7ma di januaro 2011



Martignon

jeanmartignon






Jan7,2011
1:08pm













<Prev Topic | Next Topic>


















Message #





Search:


Advanced


Start Topic










Copyright © 2010 Yahoo! Inc. All rights reserved.

Privacy Policy -
Terms of Service -
Guidelines -
Help












Ye la 5ma di januaro 2011


Dio di santa Edwardus.



DIO-PROVERBO / Taco esas konsento.

ZODIAKO / En la zodiako-signo dil Kaprikorno guvernata dal planeto Saturno.


VETERO / Grizeta cielo, cajorne, en Francilia.

KONCIZE

FRANCIA / L'ISLAMO ESAS "MINACO" POR 42% DE LA FRANCI
Segun opinion-inquesto efektigita dal Ifop, publikigita hiere en la diala jurnalo LE MONDE, l'islamo reprezentas "prefere minaco" por 42% de la Franci e de la Germani. Segun ica ipsa opinion-inquesto, 69% de la Franci e 75% de la Germani pensas ke la Mohamedani ne esas boneenirinta lia socio.

EUROPA / CHINIA ASERTAS ESAR PRONTA SUSTENAR HISPANIA
Pos Grekia e Portugal, Chinia partoprenos la susteno di Hispania, asertis la vice-Chefa ministro, Li Keqiang. " Ni fidas a la Hispana merkato financala e konseque ni kolokis en lua publika debo", redaktas ica probabla sucedanto dil Chefa ministro, Wen Jiabao, en redaktistala artiklo publikigita dal jurnalo EL PAIS. Segun il, la diskuti kun la Hispana direktisti esus "pleonta klefa rolo" por la stabiligo financala di Hispania e "restaurar la fido di la merkati".


Li Kegiang

GERMANIA / LA TRAKO PRI LA FISKALA ESKAPINTI HAVAS REZULTO EN GERMANIA
La Germana fiskala servi esas kontenta : la denunci e difuzi di sekreta listi bankala en Suisia e Liechtensteininstigis 26.400 fraudanti repentinta deklarar lia celita havaji. Kom rezulto : 2 miliard euri de suplementala rekupero fiskala pagata a la fedrala Stato, a la regioni ed a la komoni. En 2009 folietaro komprita po 5 milion euri a banko di Liechtenstein igis posibla rekuperar 1,4 miliard euri de fiskala recevajo. Inter 250 e 300 miliard euri ditenesas exter Germania e ne deklaresas a la fisko.

Kordiala interretala saluti ad omni. JM :::-:::

Ye la 4ma di januaro 2011


Dio di santa Odilon.



DIO-PROVERBO / Espero panon ne donas.

ZODIAKO / En la zodiako-signo dil Kaprikorno guvernata dal planeto Saturno.


VETERO / Grizega cielo ed humide kolda aero, cajorne, en Francilia.

KONCIZE

SRI LANKA / KAD LA MIKREGA JUPI BALDE INTERDIKTESOS
Recevinte plura protesti da konservema grupi, la guvernerio di Sri Lanka examenas la posibleso interdiktar la surhavo dil mikrega jupi en ica insulo. "Esis plendi da diversa medii koncernante la mikrega jupi ma ni nur studias ica plendi e nula finala rezolvo facesis", deklaris Nimal Rubasinghe, qua esas la sekretario pri Kulturala Aferi di ta lando.

WIKILEAKS / GERMANIA SUPOZEBLE KONSTRUKTAS SPIONANTA SATELITI
Usa e Germania developas kune e sekrete, sub la kovro di komercala aktivesi, nova spionanta sateliti malgre forta Franca opozi, segun diplomacala kabli obtenita da WikiLeaks e publikigita hiere dal Norvegiana jurnalo AFTENPOSTEN. Ita projeto, nomizita HIROS, vizus konstruktar observo-sateliti tre altanivela, aptadicernar objekti ye 50 cm.

AUSTRALIA / 200.000 PERSONI ATINGESAS PER LA INUNDI
L'armeani e la sokurso-servi Australiana mobilizesas por venar sokursar la habitanti di Queensland, nordest-Australia, qui atingesis per inundi sen precedento. La dicita inundi produktis tri mortinti dum periodo de 48 hori. Aproxime 200.000 personi afektesas da ita subita aquo-acenso qua inundis regiono tam granda kam Francia e Germania kune.



Kordiala interretala saluti ad omni. JM :::-:::

Ye la 3ma di januaro 2011


Dio di santa Genoveva.



DIO-PROVERBO / Quala matro, tala filiino.

ZODIAKO / En la zodiako-signo dil Kaprikorno guvernata dal planeto Saturno.


VETERO / Griza cielo nivema, cajorne, en Francilia.

KONCIZE

HISPANIA / KONTRE-TABAKA LEGO PLU SEVERA
Un de la kontre-tabaka legi maxim severa di Europa valoreskis hiere en Hispania. Pos ajorno ye 24 hori por celebrar la festi dil Nova Yaro, la koncernata texto interdiktas fumar precipue en la drinkeyi, la restorerii, la ludo-arei por infanti e la zoni cirkondanta la skolala ed hospitala klozaji.

IRAN / L'IRANANI FALIGIS DU "OCIDENTALA" DRONI*
Droni* "ocidentala spionanti" faligesis hiere dal Iranani en la Gulfo segun Amir Ali Hajizadeh, komandanto dil avionala Trupo dil gardisti di la revoluciono. Il ne savigis la dato di ca evento, il nur parolis pri plura "violaci" dil Iranana teritorio. "En la Persala gulfo, ni faligis du de lia "spionanta" avioni, e lo esas la unesma foyo quan ni dicas lo, ilu dicis pluse.

USA / PLUVO DE MORTINTA UCELI EN ARKANSAS
La habitanti dil mikra urbo Beebe en la Usana Stato Arkansas surprizesis lor la unesma dio di ca yaro per pluvo de mortinta uceli, di qua la morto restis neexplikata hiere. La komonala servi trovis plu kam mil de li jacanta en la stradi. Segun la diala jurnalo ARKANSAS TIMES, la dicita flugeri povabus atingesir per grelo ye alta altitudo. Altra personi akuzas la pirotekni dil Nova Yaro.


Viro rekolias mortinta ucelo

On povas anke konsultar : http://www.youtube.com/watch?v=Y1ZrUYZgaHQ&feature=player_embedded

Kordiala interretala saluti ad omni. JM :::-:::