Internaciona Idokonfero 2014 honorizante Louis Couturat en Paris (Francia)

Internaciona Idokonfero 2014 dum la tempo inter la 13ma e 20ma di julio 2014 en Paris (Francia)

L'INTERNACIONA IDO-KONFERO 2014 organizita da ULI eventis en PARIS inter la 13ma e 20ma di julio 2014.

Yen galerio di fotografuri dil Internaciona Idokonfero 2014 en Paris
(Facinti di la fotografuri: Marion Kasper (Germania) e Loïc Landais (Francia))
(Kreinto di ca fotogalerio: Frank Kasper (Germania))

(:galleria list="#IK-2014-Paris" width="700" height="500":)

La laborkunsidi eventis ye l'Internaciona Sejorno-Centro KELLERMANN di PARIS.

La temo esis la vivo e la verko di Louis Couturat.
La nombro de partoprenanti esis deceptante mikra, quankam Paris esas un de la maxim bel urbi dil mondo.
La varmeso esis sufokanta ed aplastanta. La Idisti, guidata da Gaël Richard vizitis diversa loki en Paris ed iris an la tombo di Couturat ube li depozis memorigiva plako.

Ye la 14ma di julio, Gaël Richard duktis ni a la quartero dil garden-placo di le Vosges en Paris (un de la maxim eleganta - quankam diskreta - loki en Paris). Pose ni vizitas la quartero dil "Marsho", olqua esas la quartero dil ortodoxa Hebrei di Paris. Ol esas tote exotika e ca ortodoxa Hebrei esas heme hike e semblas vivar segun lia tradicionala ed orientala mori tote quiete.

Ye la 19ma di julio, la Idisti iris a Bois-le-Roi ube esas la ruro-domo olim posedata da Couturat. La proprietanti afable permisis al Idisti enirar lia domeneto. Gaël Richard naracis a li pri la vivo di Couturat ed historio di Ido. Il propozis pozigar sur la muri di ca "villa" memorigiva plako. Pose ni iris a vicina vilajo ube esis kirko di qua la paroko esis kanoniko Guignon. Gaël volis vizitigar da ni la kirko, ma ol esis klozata. Pose ni iris dejunar a Fontainebleau e dum la posdimezo ni vizitis la bela kastelo ibea.

La fonto dil supra raporto esas publikajo da Jean Martignon (Francia) che Facebook

La detaloza raporto kreita da Jean Martignon esas querebla hike.

Specala danko meritas l'aranjeri dil programo (laborkunsidi, honorizo di Louis Couturat ye la tombeyo ed exkursi) od dil dormchambri, dil kunsidchambro e dil manjaji ye la l'Internaciona Sejorno-Centro KELLERMANN di PARIS samideani Gaël Richard e Loic Landais ed Jean Martignon pro sua penadi.

Frank Kasper
partoprenanto