Anki vorto-karti - Vortaro bazala Ido-Angla

Anki vorto-karti - Vortaro bazala Ido-Angla

Kara Idisti,

Me kreis vorto-karti per Anki de la Vortaro bazala Ido-Angla (kun multa altra vorti quin me judikis necesa por facile konversar.

La nova karti esas trovebla hike. (On bezonas Anki-konto por vidar la karti.)

Anki esas bonega programo uzanta karti por enmemorigar vorti, fakti, edc. Ol havas multa funcioni.

On iras ad Anki (la ret-situo esas Angla) ed instalas la programo por Mac, Windows, Linux, Android, o smartfoni, edc.
Pose on kreas konto e serchas "shared decks" (paketi di karti) por multa lingui, cienci, ed altra temi - e nun por Ido!
On povas enkargar paketi, modifikar oli, e pose dissemez la nova paketi per Anki. Do on povus enkargar la Bazala Vortaro Ido-Angla
e remplasar la Angla vorti per vorti Hispana, Franca, Germana e.t.p., o mem per fotografuri e pikturi, ed anke adjuntez sono-registri.

Me esperas ke altra Idisti uzos ta karti por krear nova paketi di karti por lia propra samlandani e ke
mea laboro igos plu facila la studiado di nia linguo internaciona.

Se vu havas questioni, volunte sendez oli a me.

Me pregas, dissemez ica informo tra Idia.

Danko!

Amikala saluti,

Brian Drake