IDO • Linguo Internaciona • Universala • Neutra • Facila


English Deutsch Français Plusa lingui

Interviuvo da jurnalisto dil lokala jurnalo "Nürnberger Zeitung" pri Ido


Vu esas la esma
vizitanto di ca ret-situo

Specala ofro

Ido-Situi

Kurseto por Infanti da A. Martinez (Hispania), PDF-file 2Mb

Interretala dicionarii

Ido-uzantogrupi

Diversa texti, literaturaji, Idokursi ed Idofilmi

Plusa Situi

Idofonduri

Wiki interna

modifikez flanko-bendo

Impressum: / Impresumo:

Inhaber der Internetpräsenz www.ido.li:
propietanto dil retsituo www.ido.li

Deutsche Ido-Gesellschaft e.V.
Germana Ido-Societo r.a.
c/o ver.di Berlin
FB 8 / AG Ido
Köpenicker Str. 30
D- 10179 Berlin

Interviuvo da jurnalisto dil lokala jurnalo "Nürnberger Zeitung" pri Ido

La prezidanto di GIS interviuvesis da jurnalisto dil lokala jurnalo "Nürnberger Zeitung" pri Ido

En saturdio, la 18ma di septembro 2010, me kom prezidanto dil Germana Ido-Societo interviuvesis da jurnalisto dil lokala jurnalo "Nürnberger Zeitung" pri Ido.
Me renkontris kun la jurnalisto en kafeeyo proxime a mea lojeyo, pro ke lu deziris interviuvar me pri Ido, pos ke lu lektis la artiklo pri l'Europana Ido-renkontro 2010 en Tübingen
en la "Stuttgarter Nachrichten" (Stuttgartana Novaji). Lu questionis men dum cirkume 75 minuti pri Ido, pri me ipsa ed anke pri l'Ido-movemento.

Me naracis pri mea Ido-vivo inter 1972 e 1980 e depos 1989, pri mea aktivesi aranjar od kunaranjar l'internaciona od Europana Ido-renkontri depos 2001.
Tale me naracis pri mea viziti che l'Idisto Boris Marechek en Frunze (Kirgizia) en 1988 e che Don Gasper 1991 en London e 1995 en Hongkong
e pri la vizito di Jean Codjo (Benin) che me en 1997 pro komune kun me asistar l'Idokonfero en Bakkum (Nederlando).

Pri l'questiono, ka l'Esperantisti e l'Idisti ankore esas enemiki me respondis, ke ye amba movementi ankore existas kelka fanatiki,
ma ke la movementi adminime paceme agas l'unu apud l'altru e ke mem de tempo a tempo eventas renkontreti inter Esperantisti ed Idisti.
Kom exemplo me mencionis la partopreno dil stranjera partoprenanti ye l'Idokonfero 2001 en Nürnberg en la monatala renkontro dil membri dil Esperanto-grupo di Nürnberg,
quo restis en agreabla memoro ye l'Esperantisti e l'Idisti, qui partoprenis ye ica renkontro.

La jurnalisto anke questionis, qualmaniere l'Idisti interkomunikas inter l'Idorenkontri.
Me respondis, ke on povas korespondar per postala od e-postala letri e ke kelka Idisti anke uzas "Skype" pro komunikar per Ido e mem parolarla linguo.
Cetere me mencionis, ke anke uzesas babileyi e sociala neteyi pro komunikar per klavaro.

Koncerne l'Ido-movemento me regretinde honeste devis explikar, ke movemento kadre di organizuro direktata da Direktanta Komitato che l'Idistaro reale ne plus existas, nam l'aktiva Idisti agas por su ipsa ed apene esas interesata pri vera ed efikiva kunagado kun altri o mem kadre di organizuro. Me anke expresis, ke ica situeso esas simila ye l'Esperantomovemento e ke la chefa kauzo segun mea opiniono esas la kreskanta fatigemeso koncerne organizuri che ti, qui esas aktiva, od la kresko dil manko di libera tempo che ti, qui tote ne o nur apene esas aktiva.

Kompreneble me anke mencionis l'unika aktiva reala Idogrupo en Germania, l'Idoamiki Berlin.

Pri la questiono, ka me propozus, ke on docez Ido ye skoli ed altra lerneyi me respondis: Yes absolute me propozus docar Ido kom duesma linguo por omni kom moyeno por internaciona komunikado od kom pontolinguo por faciligar la lernado di altra naturala lingui.

Fine la jurnalisto dicis a me, ke l'artiklo pri me e pri Ido aparesos en la jurnalo versimile en la posvenonta semano.

Me esis tre agreable surprizata pri l'intereso di jurnalisto habitante mea hemurbon Nürnberg pri Ido pro l'artiklo en altra jurnalo, qua aparesis okazione dil Idorenkontro en Tübingen.

Me volunte parolis kun l'jurnalisto, ma plu volunte me raportabus pri plu pozitiva experienci koncerne l'Idomovemento, nome pri ULI ed olua Direktanta Komitato.

Frank Kasper
prezidanto dil Germana Ido-Societo

Retre a la chefpagino di ULI
Retre a la chefpagino dil Germana Ido-Societo
Zurück zur Startseite der Deutschen Ido-Gesellschaft