IDO • Linguo Internaciona • Universala • Neutra • Facila


English Deutsch Français Plusa lingui

Fino dil internaciona Ido-renkontro en Tallinn (da Frank Kasper)


Vu esas la esma
vizitanto di ca ret-situo

Specala ofro

Ido-Situi

Kurseto por Infanti da A. Martinez (Hispania), PDF-file 2Mb

Elektronikala dicionarii

Ido-uzantogrupi

Diversa texti, literaturaji ed Idokursi

Plusa Situi

Idofonduri

Wiki interna

modifikez flanko-bendo

Impressum: / Impreso:

Inhaber der Internetpräsenz www.ido.li:
propietanto dil retsituo www.ido.li

Deutsche Ido-Gesellschaft e.V.
Germana Ido-Societo r.a.
c/o ver.di Berlin
FB 8 / AG Ido
Köpenicker Str. 30
D- 10179 Berlin

Onlinekontakt
Interreta kontaktformulario

Administrator der Internetpräsenz www.ido.li:
administranto dil ret-situo www.ido.li

Frank Kasper
Breitscheidstr. 22
D- 90459 Nürnberg

Onlinekontakt
Interreta kontaktformulario

Fino dil internaciona Ido-renkontro en Tallinn (da Frank Kasper)

Kara gesamideani!

Yen mea lasta kurta raporto pri l'internaciona Ido-renkontro 2009 en Riga e Tallinn. En mardio, la 21ma di julio 2009 ni juis jorno di libera tempo. Antedimeze parto di partoprenanti marchis sur la traci dil fondinto di Occidental. Dimeze omni, qui ankore esis en Tallinn, promenis a la centro dil urbo por dejunar en Mezepokala restorerio. Pro ke evidente multa altra turisti havis la sama intenco ni ne trovis suficante libera loko en la maxim famoza Mezepokala restorerio "Old Hansa". En la restorerio "Peppersack", qua situesas opozite dil "Old Hansa" on ofris a ni propra agreabla saloneto, qua situesas en kelero e qua esis tre agreabla. Ibe ni juis saporoza manjaji e drinkaji, quale mielo-biro, qua esis specalajo dil domo. Ni ibe anke havas gasto. Venis konocantino di Jonny, qua esas tre interesata pri Ido e qua nun l'unesma foyo povis audar la parolata linguo. Pos la komuna manjajo la libera tempo duris til vespere. Jonny komune kun me vizitis lua firmo dum kelka minuti. Pose lu vehis kun me a nia hotelo, ube ni emocigive e kordialege adiis un ad altru. Vespere la restinta exterlanda partoprenanti ankorfoye renkontris en la Cheka restorerio, ube ni ja esis un vespero antee. Ibe ni juis la maxim lasta hori dil cayara internaciona Ido-renkontro 2009 en Riga e Tallinn manjinte saporoza manjaji e drinkinte biro e babilinte en nia kara komuna linguo Ido.

En merkurdio, la 22ma di julio 2009 la majoritato di partoprenanti retrovoyajis heme espereble quale me kun la maxim bona impresi e memoraji pri nia komuna internaciona Ido-renkontro 2009.

Me tre prejoyas rividar omni okazione dil internaciona Ido-renkontro 2010. Me povas rezumar, ke me itere travivis agreabla e neobliviebla dii en la rondo di Idisti.

Mea maxim kordiala danko meritas l'aranjero di ica renkontro, nia kara samideano Anvarzhon Zhurajev.

Me ja nun prejoyas pri l'internaciona Ido-renkontro 2010.

Ico esas mea lasta raporto de Tallinn.

Til rivido okazione dil internaciona Ido-renkontro en la yaro 2010!


samideani Ferdinand Möller e Gaël Richard babilante en la restorerio "Peppersack" (de dextre a sinistre)

samideano Tiberio Madonna, la konocatino di Jonny, samideani Gleb Malcev ed Eberhard Scholz en la restorerio "Peppersack" (de avane a dope)

Adiala regardo a l'urbo Tallinn de la maro

Kordiala saluti de Tallinn
anke ye la nomo di omna partoprenanti sendas
Frank Kasper

Retre a la komencpagino pri l'internaciona Ido-renkontro 2009

Zurück zu den Kurzinformationen über das Ido-Treffen im deutschen Ido-Forum - Retre a la raporteti pri la Ido-renkontro che la Germana Ido-forumo