|
Esez bonvenanta! Che oficala situo dil Uniono por la Linguo Internaciona Ido (ULI).
Ido esis developata da la Delegaciono por l'Adopto di Internaciona Helpolinguo, qua kunvenis en Paris, 1907 (College de France).
Quale e pro quo membresar a la Uniono por la Linguo Internaciona (Ido)?
Aktivesi dil Idistaro e di ULI ed altra aktivesi favore Ido en la yaro 2010
Jose Cossio publikigis podkasto #39
Jovdio 2010-12-23: Jose Cossio anuncis en la idolisto nova podkasto* kun la temi: Homeosexuali darfos servar en la Usana Armeo - Plura Anonima Santa Nikolaus donacas pekunio en la strado - Arjentiniana ciencistini kreas plastiko per manioko e maizo.
Durado: 9 min 53 sek. Ligolo che Parolez Ido: http://linguoido.ning.com/profiles/blogs/idala-podkasto-039
Nova Ido-blogo da barcodex
Sundio 2010-12-05: Nia samideano Johnny, qua vivis nuntempe en Hispanio, facis nova interesiva blogo ye http://idaji.posterous.com/ La lasta temi esis: Promenadi en la monti, En Granada, Amazon Kindle 3
Ido for All 1.8 aparis
Merkurdio 2010-12-01: Nica Amerikana samideano Jerry Muelver publikigis nova versiono de "Ido for All". Lernolibro por Ido en la Angla linguo. On povas recevar la pdf versiono hike: http://idomondo.org/skolo.1.8.pdf
Jose Cossio publikigis podkasto #38
Lundio 2010-11-29: Jose Cossio skribis en la idolisto:
Kara samideani: Yen por vi, itere, mea maxim recenta podkasto*, la numero 38, malgre la
desfacilaji quin me subisis por krear ol. ... Yen, provizore, la ligilo (kune texto) che Ido Sonora: http://www.ipernity.com/blog/64880/292467
Temi: Super Mario Bros havas sua propra strado - La maxim longa muralpikturo dil mondo, en Hermosillo - Urino por krear spacala elektrobaterii. Durado: 8m 47s - Amikale ed Idosonore - Jose Cossio
Ido reprezentesis ye l'internaciona linguoferio EXPOLINGUA 2010 en Berlin
Sundio 2010-11-19: L'Idoamiki Berlin reprezentis la linguo internaciona Ido ye l'internaciona linguoferio EXPOLINGUA 2010 dum la tempo inter la 19ma e 21ma di novembro 2010 en la Germana chefurbo Berlin kun informestaleyo. D-ro Detlef Groth aranjis diskurso e mikra Ido-kurso. Lektez pluse....
Jovdio 2010-11-18:
Sub la titulo "Eine Sprache für alle (Linguo por omni") artiklo pri Ido aparesis en la interreta portalo "Nordbayern online - nordbayern.de". Lektez pluse (en la Germana)...
PROGRESO 346 aparis
Mardio 2010-11-16: Loic Landais redaktis la numero 346 di la chefa revuo di ULI PROGRESO.
La duesma numero en la yaro 2010 kontenas artikli da Goncalo Neves, Geraldo Boz Junior ed altri.
On trovas listo dil kontenajo di PROGRESO 346 hike.
Ido-Amiki-Berlin publikigis kalendario 2011
Sundio 2010-10-31: D-ro Groth e la Ido-Amiki Berlin publikis itere kalendario por la nova yaro. La kalendario por 2011 nun havas
110 pagini, esas en A6 e kustas 3 Euro plus sendo (1 Euro en Germania, 3 Euro Europa - til kin kayeri). On povas pagar per paypal, kontante e per internaciona bank transfer. Personi qua povas lektar la kalendario unesme: yen la kalendario en la formato pdf: Kalendario-2011.pdf
Por komendar kayeri skribez ye 
Jose Cossio publikigis podkasto #37
Jovdio 2010-10-21: Jose Cossio skribis en la idolisto:
Kara samideani:
Itere e kun joyo, mea monatala Idala Podkasto, cafoye la numero 37, olquan vi
povas askoltar che Ido Sonora! e Parolez Ido, e darfas deskargar libere. La
ligili trovesas ye la sequanta retadresi:
Temi:
- La Ig Nobel Premii duamil e dek
- Polico di Kolumbia arestis alertema papagayo
- Reda ridindaji di Pepito
Itere, me invitas vi anke enrejistrar irgatema artiklo, ridindajo, rakonto,
kansono, interviuvo o saluto en Ido, olquan plezuroze me adjuntos en mea
sequanta podkasti.
Chao! Jose Cossio
Nova tradukuri aparis ye idolisto
Merkurdio 2010-10-20: En la Idolisto aparis nova tradukuri da nia samideani V. R. Srinivasan e Hermann Philipps. Li tradukis la anciena Germana rakonto "Kanto da Hildebrandts" e la Rakonto da Oscar Wilde "Modela Milionero". On povas lektar la texti en la idolisto, la rakonto da Wilde (Angla, Ido) anke esas lektebla hike.
Invito a l'Europana Idorenkontro 2011 en Echternach (Luxemburgia)
Sundio 2010-10-17: La prezidanto di GIS, Frank Kasper, publikigas invito ad e l'unesma informi pri l'Europana Idorenkontro 2011. Lektez pluse....
Ido-Saluto 2010-04 aparis
Jovdio 2010-10-14: La Ido-Amiki Berlin publikigis la quaresma numero di Ido-Saluto! por 2010. Kontenajo: Ido-kongreso internaciona 2010; Atako kontre la trono di Newton - Goethe e sua verko "Zur Farbenlehre"; Rusa traci en Berlin; Bettina von Arnim, 100 yari subtera fervoyo en Schöneberg; 70 yari ante nun Hitler-Germania atakis Dania e Norvegia; enigmato ...
Pri la kompleta kontenajo e la posibleso abonar Ido-Saluto! lektez hike ....
Artiklo pri Ido aparesis en la lokala jurnalo "Nürnberger Zeitung"
Merkurdio 2010-10-06:
Sub la titulo "Die Wiedergeburt einer Kunstsprache"(La rinasko di artificala linguo) artiklo pri Ido aparesis en la lokala jurnalo "Nürnberger Zeitung". Lektez pluse (en la Germana)...
KURIERO INTERNACIONA 2010-01 aparis
Venerdio 2010-10-06:
Jean Martignon parsendis la numero 1/2010 di la KURIERO INTERNACIONA al abonanti. Kontenajo: Mixuro de lingui en Al-Andalus; La malediko da Tutankhamon; La vera historio dil proceso kontre Galileo; Uladie onu regretos Europo; ed altri. Por lektar anciena numeri di KURIERO INTERNACIONA, on povas "klikar*" hike. La yarala abono nur esas 10 EUR por quar kayeri. Skribez al martignon.jean-ye-wanadoo-punto-fr.
Jose Cossio publikigis podkasto #36
Merkurdio 2010-09-29: Jose Cossio skribis en la idolisto:
Kara samideani:
Kun joyo me informas pri mea maxim recenta podkasto, la numero 36, che Ido
Sonora! e Parolez Ido, olqua es deskargebla gratuite per la korespondanta
ligilo. Yen la rispektiva retadresi:
Temi:
- Hermosillana retsituo ganas premio di la Unionanta Nacioni.
- La sucesoza Ido-renkontro Tubingen 2010.
- Mexikia celebras sua duacentesma aniversario di nedependeso.
Juez ol ed voluntez opinionar pri olua qualeso en la rispektiva pagini.
Idosonore Jose Cossio
Traduko di la interviuvo kun la Deutschlandradio Berlin aparis ye F30
Mardio 2010-09-28: Lasta semano nia samideani Mithridates e la kreanto di Sambahsa Olivier Simon finis kune la traduko di la interviuvo da Deutschlandradio berlin kun dro Groth. Lo eventis okazione de la renkontro en Tübingen venerdio 20.8. 16:07. Por askoltar la interviuvo en mp3 kliktez hike, e yen la parti dil tradukuro: unesma, duesma, triesma, quaresma e la kinesma.
Ido-Amiki Berlin enretigis Ido-Saluto! 2006-03 ed 2006-04
Lundio 2010-09-27: La Ido-Amiki publikigis PDF-versiono de 03/2006 e de 04/2006 di la jurnalo "Ido-Saluto!". Artikli pri la Ido-renkontro 2006 en Berlin, la rejo friedrich, La sindikato di la servadi ver.di, rakonti da Hans Christian Andersen ed altra texti. Regardez ol hike: Ido-Saluto-2006-03.pdf ed Ido-Saluto-2006-04.pdf
Atencez: Yaral abono por recevar la aktuala jurnali de "Ido Saluto" nur kustas 5 EURI o 15 EURI inkluzite DIG membreso. Yen vu povas abonar ol: Kontakt
KURIERO INTERNACIONA 2009-03 esas enretigita
Saturdio 2010-09-25:
Nia samideano Jean Martignon informis ke "Me havas la joyo savigar da vi ke nia amiko Fernando Tejon, jus informis me ke la n° 3/2009 di KURIERO INTERNACIONA enretigesis. La interesati voluntez "click"-ar sube:
http://sites.google.com/site/editeriokrayono/kurierointernaciona
Bona lekto ! Kordiale. JM :::-:::
La yarala abono di la imprimigita versiono di KI nur kustas 10 EUR por quar kayeri. Skribez al martignon.jean-ye-wanadoo-punto-fr.
Plusa interviuvo da jurnalisto dil lokala jurnalo "Nürnberger Zeitung" pri Ido
Saturdio 2010-09-18: La prezidanto di GIS interviuvesis da jurnalisto dil lokala jurnalo "Nürnberger Zeitung" pri Ido. Lektez pluse....
www.ido.li salutis 55.000ma vizitanto hodie
Jovdio 2010-09-16: Hodie ni povis salutar nia 55.000ma vizitanto ye la ULI-retsituo. Komenco di Junio 2009 ni havas 39.000, komenco di Septembro 41.500 e mezo di Decembro 2009 ni havis 45.000, e mezo di Aprilo ni havas 50.000 vizitanti hike. Quon la 55.000 vizitanto vidis? Tu povas vidar lo hike.
Protokolo pri la laborkunsido ye la 22ma di agosto 2010 kadre dil Ido-renkontro 2010 en Tübingen
Saturdio 2010-09-10: La prezidanto di GIS, Frank Kasper, publikigis la protokolo pri la laborkunsido ye la 22ma di agosto 2010 kadre dil Ido-renkontro 2010 en Tübingen redaktita da d-ro Detlef Groth (Germania) ye la ret-situo di ULI. Ibe omna intersetato povas querar ol.
La protokolo en formato "pdf" trovesas hike.
Raporto pri la Ido-renkontro 2010 en Tübingen
Jovdio 2010-08-26: La Ido-renkontro 2010 esas historio. Ol esas tre sucesoza. Robert Carnaghan skribis en la idolisto: "Kara Alfred, Eberhard, Frank, Hans, Heidi, Jean e Marion (ed irgu qua me oblivias!), Esis plezuro ri-renkontrar vi tre recente en la tre pitoreska Germana urbo Tübingen ube ni juis agreabla kunveno qua esas bona signo por la futuro di Ido.
Me ne memoras irga konfero qua produktis tante multa granda artikli pri Ido en
jurnali lokala e regionala..." Yen la raporto pri la renkontro.
Nova A4-Kalendario por la yaro 2011
Jovdio 2010-08-26: D-ro Detlef Groth publikigis la nova A4 kalendario por la yaro 2011 pro hike. Ipse imprimata ol esas tre utila ed anke bona propagilo. La olda kalendario di 2010 trovesas hike.
Fotografuri di la Ido-renkontro 2010
Venerdio 2010-08-25: Anvarzhon Zhurajev publikigis multa fotografuri che sua Picassa-ret-situo. Videz la fotografuri hike..
Jose Cossio publikigis podkasto #35
Mardio 2010-08-24: Jose Cossio skribis en la idolisto: "Kara samideani, me jus publikigis mea maxim recenta Idala Podkasto, la numero 35, dedikita al fiktivajo da Partaka, Habemus LIA, olqua, podkaste, es la nonesma parto. Yen la ligili aden la rispektiva retpagini ube anke on povas lektar ed askoltar
samtempe mea lasta brodkastajo che: Ido Sonora! e Parolez Ido. Ambakaze ibe es la ligilo por deskargar la podkasto libere e gratuite. Kordiale ed Idosonore Jose Cossio"
La Ido-Wikipedio nun havas plu kam 20.000 artikli
Mardio 2010-08-24: Quale nia samideano James Chandler informis en la lingolisto: "Segun la pagino
Specala:Nova pagini, la 20.000ma artiklo esas "Joseph E. Stiglitz"
Pri la qualeso di ula artikli on povas dubitar, ma 20.000 artikli esas tamen
impresiva atingo."
Gabriel Svoboda publikigis novaji ye Parolez Ido
Lundio 2010-08-23: Gabriel Svoboda itere publikis novaji pri politikala aferi ye sua Parolez Ido blogo* pri Afganistan, China, Georgia, Israel, Nederlando, Rusia, Singapur, Sud-Afrika, Venezuela e Virginia. Lua blogo nun esas anke en la listo di Ido-blogi.
Ido-renkontro 2010 komencis en Tübingen
Saturdio 2010-08-21: Hiere kun granda sucezo la Ido renkontro 2010 esis durigata. Matene esis ULI-kunsido pri linguala, pekuniala ed publika aferi. Posdimeze esis tre sucesoza Ido estaleyo en la urbocentro ed interviuvo kun granda Germana brodkasto-sendejo la Deutschlandradio Kultur. La mp3 versiono di la interviuvo esas hike. Vespere esis publika diskurso pri Ido ed altra helpa lingui.
Venerdio 2010-08-20: Kun granda intereso di la Germana jurnalaro hiere komencis la Europana Ido-renkontro 2010. La Saarländischer Rundfunk, la Westdeutscher Rundfunk e la Südwestfunk facis interviuvi kun la partoprenanti qui venis de Chinia, Britania, Nederlando, Francia, Hispania/Estonia e Germania. Yen listo di raporti en la www. Hodie la renkontro durigos kun la ULI-laborkunsido, Informestaleyo pri Ido, ULI e GIS en l'urbocentro e publika diskurso en tri lingui (Germana-Ido-Angla) "Facinado di projetita lingui - Pro quo homi lernas lingui quale Na'vi, Klingonisch od Ido?" en la Viktor-Renner-Domo da Dr. Detlef Groth.
La nigri, la cigani, e quale ni kulpis pri li
Jovdio 2010-08-05: Gabriel Svoboda tradukis texto Cheka–lingual Černoši, Cikáni, a čím jsme se na nich provinili da Daniel Puschman. Yen la texto ye lua Parolez Ido-Blogo.
Parolez Ido havas nova proprietanto
Jovdio 2010-07-29: Jose Cossio en la idolisto informis la Idistaro: "Kun plezuro me anuncas ke Kiran Anavarapu es la nova proprietanto di la sociala
reto Parolez Ido (http://linguoido.ning.com/), nia duesma domo interretala
aparte ca forumo pri Ido." Yen la kompleta mesajo.
Novajeti da Gabriel Svoboda ye Parolez Ido
Saturdio 2010-07-17: Gabriel Svoboda en la idolisto: Kara samlinguani,
vi povas lektar nova kelka novajeti hike:
Yen specimeno de nord-west-Europa:
- 13ma di julio 2010: L' aquario en Oberhausen, Nordrheno-Vestfalia,
west-Germania, la polpo Paul di qua esis korekte predicinta la vinko di Hispania
kontre Nederlando en la championeso mondal di futbalo, akuzesis da etologo
Hungariana Vilmos Csanyi, ke ol esis manipulinta la polpo. Il dicis, ke polpo
povas apertar buxo, en qua ol anticipas delikataji; pro to experto pri futbalo
probable lasis celar delikataji favorata da Paul en la buxo kun la standardo di
ta esquado, quan lu expektis ganor. Tamen l' urbo di O Carballio, Galicia,
nord-Hispania, donis civitaneso honorumal al polpo.
Kordiale, Gabriel Svoboda
Idala Podkasto #34 che Ido Sonora! e Parolez Ido
Mardio 2010-07-13: Nia samideano Jose Cossio publikigis podkasto #34. Jose en la http://groups.yahoo.com/group/idolisto/message/20901: Kara samideani: Yen mea maxim recenta Idala Podkasto, la numero 34, che Ido Sonora! (askoltebla) e Parolez Ido (deskargebla)
Temi: -Ulo vivanta respiras en Titano. -Supra tribunalo Mexikiana dicas: Fraudanta sorcisti iros karcero. -Franciana dancistino ofensas aborijeni en Uluru. Juez ol! Amikale, Jose Cossio
Ido-Saluto 2010-03 aparis
Jovdio 2010-07-01: La Ido-Amiki Berlin publikigis la triesm numero di Ido-Saluto! por 2010. Kontenajo: Otto von Bismarck, la "feratra" kancelero, Frida Kahlo, La "VW-Käfer", la maxime fabrkita automobil-tipo di la mondo, la kombato kontre Varus, joki, aforisimi, enigmato ...
Pri la kompleta kontenajo e la posibleso abonar Ido-Saluto! lektez hike ....
KURIERO INTERNACIONA 2009-02 esas enretigita
Lundio 2010-06-28:
Nia samideano Jean Martignon informis ke "Nia amiko Fernando Tejon savigis da me ke KURIERO INTERNACIONA n° 2/2009 esas jus enretigita. La interesati povas trovar ol per "klick"-ar sube : http://sites.google.com/site/editeriokrayono/kurierointernaciona
Bona lekto ! JM
Tiberio Madonna publikesis libro de poemi
Jovdio 2010-06-24: Yen Tiberio en posta_Mundi: Kara samideani,
me havas la plezuro prizentar a vi mea libro de poemi: Guti de ombro e guti de lumo, Poemi en Ido, da Tiberio Madonna, 2010, Caserta, Italia, 60 pagini, EUR 5,00. Ol kontenas 24 poemi: - LA NUBI EK SUKRO, - TU E ME, - MARTO, - LA HOMALA SONJO, - SOMERO, ... Por havar informi pri la komendo e pri la pago, skribez a mea adreso e-postala od a:
qua esas: gutipoemi (at) libero.it (sen la spaci).
KURIERO INTERNACIONA 2009-04 aparis
Jovdio 2010-06-24:
Jean Martignon parsendis la numero 4/2009 di KURIERO INTERNACIONA al la abonanti. Kontenajo: Kande Rusia astonis favoroze la mondo; L'okultismo e la Germana nacionalismo; La revelanta fotografuro; Sur erikeyo en Jutlandia;La "Maya" dentisti. Plusa informi ye la mesajo da Sro Martignon en idomerkato. Por lektar anciena numeri di KURIERO INTERNACIONA, on povas "klikar*" hike. La yarala abono nur esas 10 EUR por quar kayeri. Skribez al martignon.jean-ye-wanadoo-punto-fr.
Invito a la yarchefkunveno 2010 dil Germana Ido-Societo publikigesis ye la ret-situo di GIS
Sundio 2010-06-20: La direktantaro dil Germana Ido-Societo publikigesis la invito a la yarchefkunveno dil Germana Ido-Societo, qua eventos ye la 21ma di agosto 2010 en Tübingen kadre dil Europana Ido-renkontro, ye la ret-situo di GIS. Lektez pluse...
Idala Podkasto #33 che Ido Sonora! e Parolez Ido
Jovdio 2010-05-31: Nia samideano Jose Cossio publikigis podkasto #33. Jose en la http://groups.yahoo.com/group/idolisto/message/20901: Kun plezuro, me anuncas la publikigado di mea maxim recenta Idala Podkasto,
askoltebla e lektebla che Ido Sonora! (askoltebla) e Parolez Ido (deskargebla).
Yen la ret-adresi rispektiva: http://www.ipernity.com/blog/64880/253725, http://linguoido.ning.com/profiles/blogs/idala-podkasto-033. Temi: On trovas aquo ed organika molekuli en asteroido Themis; Egarita katulo retrovenas fluganta adheme; Tiberio Madonna, nova sekretario pri la linguo Ido. Kordiale - Jose Cossio
Nova traduki da Lorca, Skibell e rakonti por infanti
Jovdio 2010-05-13: Dum la lasta semani kelka texti esis tradukita en Ido. Thomas Schmidt tradukis du rakonti por infanti,"La du sorcistinegi" e "La desaparita stolo". James Chandler tradukis "Nia amor-afero kun libri" - Esayo da Joseph Skibell" e fine Lenadi Mouchina tradukis "Ludo e teorio di la duende" da Federico Garcia Lorca. Ca longa texto on povas lektar nur en idolisto hike.
La Linguala Komitato diskutas la listo di nova vorti
Lundio 2010-05-10: En aprilo la sekretatio di la Linguala Komitato, Tiberio Madonna, transmisis la listo d nova vorti ye lingolisto. La listo e la diskuto pri la vorti en linguolisto vu povas lektar hike. Kelka nova vorti propozita esas blogo*, datumo*, dijitala*, festivalo*, kechupo*, klono*, komputero o komputoro, e multe altra vorti.
Novajeti da Gabriel Svoboda ye "Parolez Ido"
Sundio 2010-05-02: Ni ja havas la Novajeti da Sro. Martignon qui aparis kelkafoye en la semano. Vu pova lektar li hike. Anke nia samideano Gabriel Svoboda nun publikigis intersiva novaji ye "Parolez Ido". Bona lektado.
Programo dil Europana Ido-renkontro 2010 dum la tempo inter la 19ma til la 24ma di agosto 2010 en Tübingen (Germania)
Sundio 2010-05-02: La prezidanto dil Germana Ido-Societo, Frank Kasper, publikigis la programo dil Europana Ido-renkontro 2010, qua eventis dum la tempo inter la 19ma til la 24ma di agosto 2010 en la Badenia-Wurtemberga universitato-urbo Tübingen proxime a Stuttgart. Lektez pluse....
KURIERO INTERNACIONA no 1/2009 esas enretigita
Mardio 2010-04-27: Nia samideano Sro Martignon en la listo Idomerkato: "Nia amiko Fernando Tejon savigis da me ke il enretigesis KURIERO INTERNACIONA n° 1/2009. Ita buletino kun tre interesiva temi prizentas mem plusa amelioro kompare a la preirinta numero. La interesati povos lektar ol per "klick"-ar sube e serchar la dezirata numero: Bona lekto. JM :::-:::" La chipa yarala abono nur kustas 10 EUR por quar kayeri. Videz la kayero hike
www.ido.li salutis 50.000ma vizitanto hodie
Lundio 2010-04-26: Hodie ni povis salutar nia 50.000ma vizitanto ye la ULI-retsituo. Komenco di Junio 2009 ni havas 39.000, komenco di Septembro 41.500 e mezo di Decembro ni havis 45.000 vizitanti hike. Quon la 50.000 vizitanto vidis? Tu povas vidar lo hike.
Ido-Saluto 2010-02 aparis
Sundio 2010-04-25: La Ido-Amiki Berlin publikigis la duesma numero di Ido-Saluto! por 2010. Kontenajo: Freya von Moltke, John Rabe, La giganto egoista (Germana / Ido), Ludwig von Reuter.
Pri la kompleta kontenajo e la posibleso abonar Ido-Saluto! lektez hike ....
Idala Podkasto #32 che Ido Sonora! e Parolez Ido
Jovdio 2010-04-15: Nia samideano Jose Cossio publikigis podkasto #32. Jose en la http://groups.yahoo.com/group/idolisto/message/20901: Plezuroze me prizentas a vi mea maxim recenta Idala Podkasto, la numero 32, che
Ido Sonora! e Parolez Ido. Yen la ligili: Ido Sonora, Parolez Ido; Durado: 09min 13sek. Temi: Pornografiala direktorino volas divenar Britaniana Parlamentano; Mexikiani studenti vinkas universitatani di Harvard, Tokio e MIT en konkurso; Teknologio kontre la krimino: Nova kontravunda glasi. Juez ol e voluntez komentar ol. Idosonore, Jose Cossio.
Nomino di Sekretario por Linguala Questioni di ULI
Mardio 2010-04-13: Quale Loïc Landais informis la ULI-ani la DK nominas Tiberio Madonna kom Sekretario por Linguala Questioni di ULI. Tiberio esis elektita segun l'artiklo 25 di nia statuti e per l'unanimeso di votinti. Ca decido publikigesos en PROGRESO 346.
James Chandler tradukis esayo da Joseph Skibell
Mardio 2010-04-06: Nia samideano tradukis la esayo "STRADOPE: Peachtree-Strado, Atlanta" da Joseph Skibell (2003). On povas lektar ica texto hike. Ica pagino esas anke atingebla per la Ido-situo da James Chandler: http://interlanguages.net/yindex.html
Jovdiala babileyo nun ye Parolez Ido
Venerdio 2010-04-02: Hiere unesmafoye eventis la Ido-babileyo ye Parolez-Ido. Ol esis tre sucesoza, babilis 8 Idisti de Amerika e de Europa. Yen la ligilo http://linguoido.ning.com/chat. Remarkez! Ni renkontras omna jovdio 20:00-21:00 GMT (London).
Listo "Nova Vorti di Ido" 1988-2002
Merkurdio 2010-03-31: La listi di nova vorti di 1988 e di 2002 nun esas kunjuntita. Regardez la listo en la formato html od en la formato pdf. Balde ni kunjuntos ica listo kun la nova anke ne-oficala vorti di 2003 e pose.
KURIERO INTERNACIONA 2009-03 aparis
Sundio 2010-03-28:
Jean Martignon parsendis la numero 3/2009 di KURIERO INTERNACIONA al la abonanti. Kontenajo: La legendo pri Siegfried, Altra destino por Europa; Teotihuakan, bersilo dil Mexikiana Dei; Kande la medicino esis Araba; La futuro di Britania; Lady Gaga
Ed altra ne min interesiva temi. Plusa informi ye la mesajo da Sro Martignon en idomerkato. Por lektar anciena numeri di KURIERO INTERNACIONA, on povas "clikar*" hike. La yarala abono nur esas 10 EUR por quar kayeri. Skribez al jeanmartignon-ye-minitel-punto-net.
Listo "Nova Vorti di Ido" (1988) nun kun Rusa tradukuro
Sundio 2010-03-28: La listo di nova vorti di Ido (1988) hike ye la ULI-situo fine nun anke kontenas la Rusa vorti. Regardez la listo en la formato wiki-html, html od en la formato pdf. Balde ni kunjuntos ica listo kun la nova vorti di 2002.
Respondita questioni pri helpo lingui en la NYT-Schott-Blogo*
Saturdio 2010-03-27: Du experti pri la domeno dil helpo lingui, Paul Frommer (Avatar’s Na’vi) ed Arika Okrent (autoro di “In the Land of Invented Languages”) respondizas questioni en la Schott-Blogo* di la New York times. Regretinde li uzas la Angla, ma ne la linguo internaciona ibe ;)
Idala Podkasto #31 che Ido Sonora! e Parolez Ido
Mardio 2010-03-23: Nia samideano Jose Cossio publikigis podkasto #31. Jose en la idolisto: Kara samideani, yen mea maxim recenta Idala Podkasto, la numero 31. La temi
traktata esas: -L'Internaciona Spaco-staciono havas panoramala fenestro; -Rusiana ciencisti negas ke le Maya previdabus la fino dil mondo; -Famoza vagemo retrovenas adheme, danke "sexy" fotografuro.
Vi povas askoltar e lektar ol ye la sequanta retadresi:
Ido Sonora, Parolez Ido. Vi juez ol! Idosonore Jose Cossio
Mikra Buletino 2010-03 aparis
Venerdio 2010-03-19: La Germana Ido Socito publikigis hodie nova numero di la "Mikra Buletino". La gratuita pdf-dokumento kontenas texti en la Germana linguo ed en Ido. La longa Ido-texto traktas la Rusa/Finlanda vintro-milito 1939/40. On povas lektar la novajletro hike.
PROGRESO 345 aparis
Sundio 2010-03-14: Loic Landais redaktis la numero 345 di la chefa revuo di ULI PROGRESO.
La unesma numero en la yaro 2010 kontenas artikli da Antonio Martinez, Frank Kasper ed altri.
On trovas listo dil kontenajo di PROGRESO 345 hike.
Camiel de Cock †
Sundio 2010-03-14: Quale Don Gaspar informis la Idistaro ya en decembro 2009 mortis la olima sekretario por linguala aferi di ULI.
Camiel de Cock specale kontributis la "Lexiko di Nova Vorti adoptita depos 1922" quo trovesas hike. Ca vortaro esas pluampligita nuntempe kun la Rusa vorti. Lektez texto pri Camiel de Cock da Jacques Bol ek la yaro 2004 en la dissendolisto idolisto.
Nova versiono da Pmwiki-programo ye www.ido.li
Mardio 2010-03-10: Me instalis nova versiono di Pmwiki-programo (2.2.14). La ULI-situo nun esas plu apta por l'uzado di UTF-8 literi. Ico esas grava por la listo di nova vorti. Se vu regardas irga problemi, sendez E-mesajo a dgroth-ye-idolinguo-punto-de.
Statistiko pri la nombro de vizitanti ye www.ido.li
Sundio 2010-01-28: En la yaro 2009 la nombro de vizitanti de nia retsituo www.ido.li plualtigis de cirkume 25 po dio ad cirkume 40 po dio. Regardez ica statistiko hike http://www.ido.li/wiki-images/uli-stats.jpg
Ido-Amiki Berlin enretigis Ido-Saluto! 2006-02
Sundio 2010-01-28: La Ido-Amiki publikigis PDF-versiono dil 02/2006 jurnalo "Ido-Saluto!". Artikli pri Togo, monumento por l'asasinta Judi di Europa, La lago Baikal e la Sorbiani en Germania. Regardez ol hike ....
Atencez: Yaral abono por recevar la aktuala jurnali de "Ido Saluto" nur kustas 5 EURI o 15 EURI inkluzite DIG membreso.
Listo "Nova Vorti di Ido" (2002) nun anke kontenas la Rusa tradukuro
Mardio 2010-02-23: La nova vorti di Ido (2002) hike ye la ULI-situo nun anke kontenas la vorti en la Rusa. Regardez la listo en la formato wiki-html, html od en la formato pdf. Balde ni kunjuntos ica listo kun la listo di nova vorti di 1988.
Jerry Muelver e Partaka finis la laboro ye la Pesch-radikaro (1964)
Lundio 2009-02-22: Lasta semano nia samideani Jerry Muelver e Partaka finis la versiono 1.0 di la Radikaro da Marcel Pesch (1964). Ni tre joyas pri ica novajo ed aplaudas nia diligenta samideani. Revizo 1.0 nun esas hike. La tasko esas nun adjuntar la nova vorti di 1988 e di 2002.
Listo de Ido-blogi
Sundio 2010-02-14: Ye la ULI-retsituo nun trovesas listo de Ido-blogi* kun RSS-feedo*. Nuntempe ol kontenas la blogi da Bebson, Jean, Jose, Thomas ed Tiberio. Se tu savas pri altra blogi skribez a dgroth-ye-idolinguo.de. Esus bone se la Blogo havas anke RSS-feedo, quale la kin Blogi supre. Videz la listo de Ido-Blogi hike ...
Idala Podkasto #30 che Ido Sonora! e Parolez Ido
Sundio 2010-01-31: Nia samideano Jose Cossio publikigis podkasto 30. Jose en la idolisto: Yen mea maxim recenta Idala Podkasto, la numero triadek, che Ido Sonora! e Parolez Ido. Durado: 11m24s, Temi: Ciencisti sucesas mixar aquo ed oleo; Twitter trompas l'alkoholometro; Polico di Ohio uzos elektronikala tradukili por parolar la Hispaniana. Juez ol, amiki, e ne obliviez komentar pri ol. Via komenturi es valoroza. Idosonore - Jose Cossio
www.ido.li nun kun RSS-Feed
Sundio 2010-01-31: Nia ULI-situo havas nun "RSS-feed". Regardez la simbolo ye la URL-adreso. Ica formato permesas automatikala notifiko pri novaji ye la ULI-situo. Por plusa informi lektez la Wikipedia RSS-artiklo.
Listo "Nova Vorti di Ido" (2002)
Jovdio 2010-01-28: La nova vorti di Ido (2002) trovesas nun hike ye la ULI-situo. Ni pregas nia Rusa samideani kunlaborar por plenigar la listo kun la Rusa vorti. Ni kreis unesma versiono kun la "Google-Translate-API". Se tu volas helpar voluntez skribar a dgroth-ye-idolinguo.de pro obtenar la acesopasvorto a la Wiki-listo. Regardez la listo hike ....
Ido-Amiki Berlin enretigis Ido-Saluto! 2006-01
Mardio 2010-01-26: La Ido-Amiki publikigis PDF-versiono di jurnalo "Ido-Saluto!". Atencez: Yaral abono por recevar la aktuala jurnali de "Ido Saluto" nur kustas 5 EURI o 15 EURI kun DIG membreso. Regardez la pdf-dokumento hike ....
Statistiko di la Ido-spici ye la patrolinguala wikipedii
Jovdio 2010-01-21: La Ido-spici ye la patrolinguala wikipedii esas la maxim multe vizitata spici pri Ido en la interreto. Omnadie plu kam 300 vizitanti informas su pri Ido ye la Angla spico http://en.wikipedia.org/wiki/Ido . Ma anke la Polona spico esis vizitata di 50 personi omnadie en decembro 2009. Lektez la statistiko hike ....
142ma Nasko-Dio di Louis Couturat
Sundio 2010-01-17: Okazione dil naskodio di Louis Couturat nia samideano Gael Richard skribis artiklo ye idolisto. La anciena texto da Louis de Beaufront pri Couturat trovesas hike.
Ido-Saluto 2010-01 aparis
Jovdio 2010-01-14: La Ido-Amiki Berlin publikigis la unuesma numero di Ido-Saluto! por 2010. Kontenajo: Artikli pri la Expolingua 2009, la boreliozo, la hidrogen-futuro di Islando, L'enigmato di la heredigo - August Weismann, Expozo en Paris pri Gustave Eiffel ed la dikturo de Versailles.
Pri la kompleta kontenajo e la posibleso abonar Ido-Saluto! lektez hike ....
Linguala Komitato di ULI fondesis
Mardio 2010-01-12: La Direktanta Komitato di ULI decidis segun l'unisoneso di olua votinta membri (7/9) nominar kom membro di Linguala Komitato di ULI la totajo di 9 kandidati. Lektez pluse ...
Jerzy Gralak †
Sundio 2010-01-10: La Interlinguisto ed Idisto Jerzy Gralak (*1935) transmondeskis. Jerzy esis la autoro da la dicionario Ido-Polona. Ilua filiulo Piotr: "Me devas komunikar a vu, ke mea patro Jerzy Gralak mortis ye 8esma januaro di ca yaro. Lu pregis me transsendar la sequanta mesajo pos lua morto.
Respektoza ed omno bona, Piotr Gralak"
Lektez pluse ...
Nord-Amerikana Ido-Societo esas oficala USana korporaciono
Venerdio 2010-01-08: Bona novajo de Nord-Amerika - nia samideano Jerry Muelver skribis ye idolisto:
"La Nord-Amerikana Ido-Societo (NAIS) esas nun oficala Usana korporaciono -
North American Ido Society, Inc. NAIS nun povas aceptar pekunio membrala e
donacala per PayPal, che http://idomondo.org. Me dankas la Idala komuneso pri
vua helpo e suportado dum la rinasko di nia Ido-Societo.". Ni gratulas.
Statistiko pri la Ido-Yahoo-dissendolisti
Jovdio 2010-01-07: Ye la ULI-situo esas statistiko pri la membro-nombri di la Ido-Yahoo-dissendolisi. La maxim granda listo esis (kompreneble) en 2009 la idolisto kun 243 membri (decembro 2009). On povas vidar la statistiko hike.
| 
English
Deutsch
Français
Plusa lingui
