|
Ido esis developata da la Delegaciono por l'Adopto di Internaciona Helpolinguo, qua kunvenis en Paris, 1907 (College de France).
Aktivesi dil Idistaro ed altra aktivesi favore Ido en la yari 2016 til 2017
Ido-Saluto! numero 04/2017 aparis
Saturdio 2017_12_30: La numero 04/2017 dil revuo dil Germana Ido Societo r.a., Ido-Saluto! aparis.
La kontenajo trovesas hike.
Raporto pri l‘EXPOLINGUA 2017 en Berlin
Saturdio 2017_12_16: Eberhard Scholz redaktis raporto pri l'Ido-estaleyo ye l'EXPOLINGUA 2017,
qua eventis ye la 17ma e 18ma di novembro en Berlin.
La raporto trovesas hike.
Kolekturo de versioni en Ido di kansoni Kristnaskala tradukita da Tiberio Madonna publikikesis ye www.ido-vivo.info
Venerdio 2017_12_13: Tiberio Madonna tradukis kolekturo de versioni en Ido di kansoni Kristnaskala.
Kelki de li esas ja konocata, ma inter li esas anke versiono tote nova di "Stille Nacht", e l'absolute needitita "Jingle bells" en Ido!
Frank Kasper enretigis ol. La kolekturo esas disponebla kom pdf-dokumento hike.
Gerhild Drogi kreis Ido-kalendario 2018 en formato A4
Venerdio 2017_12_01: Gerhild Drogi anke por la yaro 2018 kreis Ido-kalendario en formato A4.
Ol trovesas hike.
Nova libro en Ido: La trairo-chambro, editita dal Ido-amiki Berlin
Jovdio 2017_11_28: Che Facebook informesis, ke la nova libro en Ido "La trairo-chambro", editita dal Ido-amiki Berlin, nun esas disponebla. Le libro editesis bilinguale, Germane ed Ido. Ol kontenas 214 pagini. Plusa informo e posibleso komendar la libro che Idoamiki Berlin.
Fablo en Ido skribita da Tiberio Madonna publikikesis ye www.ido-vivo.info
Sundio 2017_11_19: Tiberio Madonna skribis fablo "LA SAPONBULO"en Ido e disponigis ol por enretigo.
Frank Kasper enretigis ol. La fablo esas disponebla kom pdf-dokumento hike.
Nova arkivo di "Progreso" che Wikipedio
Mardio 2017-11-14: Samideano James Chandler informis, ke jus aparis che Wikipedio, nova arkivo di anciena numeri dil revuo Progreso.
La maxim frua esas de 1908, la maxim tarda de 1937.
On povas navigar a la nexta* o lasta pagino. Por lektar pagino semblas necesa selektar sat granda imajo-grandeso. Kliktar sur pagino apertas la dokumento en PDF-formato.
L'arkivo esas trovebla hike .
Kataluni e varmigilo (espritajo)
Jovdio 2017-10-19: Partaka publikigis espritajo pri Kataluni che Idolisto. Ol nun anke trovesas hike.
STUDYO PRI LA DERIVADO verko skribita en anciena Ido enretigis
Merkurdio 2017-10-18: STUDYO PRI LA DERIVADO verko skribita en anciena Ido da L. Couturat (editita en 1910), transskribita elektronikale da Tiberio Madonna (2017) enretigis. Ica enretigo esas kontributo da Tiberio Madonna okazione dil 110ma aniversario di Ido ye 24ma di oktobro 2017. La pdf-dokumenta esas querebla hike.
Raporto pri l'Internaciona Ido-Renkontro 2017 en České Budéjovice (Chekia)
Jovdio 2017-10-12: Gesamideani Marion Kasper ed Eberhard Scholz kreis raporto pri l'Internaciona Idorenkontro 2017 en České Budéjovice (Chekia). La raporto esas lektebla hike.
Gilles-Philippe Morin skanis du di lua favorata Ido-libri
Lundio 2017-08-14: Samideano Gilles-Philippe Morin informis pri la fakto, ke il skanis du di lua favorata Ido-libri.
La skanaji trovesas hike.
Importanta frazi skribita da Henry Jacob en la 30ma yari dil pasinta yarcento
Sundio 2017-08_13: La yuna Idisto e posa prezidanto di ULI Henry Jacob en la 30ma yari dil pasinta yarcento skribis importanta frazi pri l'Ido-movemento. Ica vorti disponigis da Eberhard Scholz e publikigesis hike.
Gilles-Philippe Morin recente skribis letro publika por Esperantista revuo
Sundio 2017-08-13: Samideano Gilles-Philippe Morin recente skribis letro publika por Esperantista revuo. Ol esas pri Ido.
L'artiklo trovesas hike.
Postmarko okazione dil 110ma aniversario di Ido
Sundio 2017-07-30: La Germana Posto produktis postmarko okazione dil 110ma aniversario di Ido, quan on povas komendar che l' Idoamiki Berlin e kun qua on povas afrankigar letri e vidajkarti sendita di Germania. Fotogafuro dil postmarko trovesas hike.
Nova muzikajo publikigesis che Youtube
Mardio 2017-07-25: Che Youtube publikigesis la muzikajo "Mil yari (Thousand Years") da Andy Feelin kantita en Ido. Ol trovesas hike.
Mardio 2017-07-18: Frank Kasper publikigis segun prego da l'autoro nova literaturajo kompilita e tradukita da nia
Hispaniana samideano Partaka. La pdf-literaturajo titulizita Espritaji trovesas hike.
Memoriva solenajo pri Heinrich Peus eventis ye 09ma di aprilo 2017 en Dessau
Venerdio 2017-04-14: Okazione la 80ma mortal aniversario di Heinrich Peus eventis memoriva solenajo ye 09ma di aprilo 2017 en Dessau.
La membri dil Germana Ido Societo Gert Heintze ed Eberhard Scholz partoprenis ica solenajo. Kurta raporto e kelka fotografuri trovesas hike.
Filmeto pri la solenajo esas spektebla hike.
Renkontreto da du Hispaniana Idisti en Valencia
Mardio 2017-04-11: Nia Hispaniana samideano Antonio Martinez vizitis Jose Garcia en Valencia. Kurta raporto trovesas hike.
"IDO LEKTOLIBRO" da Gert Heintze komendebla che epubli
Merkurdio 2017-03-08: Nia diligenta samideano Gert Heintze publikigis sua libro kun la titulo "IDO LEKTOLIBRO"che l'interretala iprimerio e dissenderio epubli. Gert ofras chefe texti kolektita ek la Ido-historio. Inter la tradukinti on trovas, inter altra, nomi di Vilfroy, Norot e Janotta. Ol havas 116 pagini.
La libro expozesos ye la famoza Ferio di Libri en Leipzig, de 23ma til 26ma marto 2017 kom l'unesma Ido-libro expozota ibe.
Plusa informi pri e posibleso komendar la libro po € 9,99 + dissendokontributo trovesas hike. Ol anke esas komprebla po la sama preco ye librovendeyi e havas la ISBN-numero 978-3-7418-8788-8.
Brian Drake publikigas tradukuro di "La Sorcisto de OZ"
Jovdio 2017-02-02: Brian Drake publikigas tradukuro di "La Sorcisto de OZ".
Lu ipsa realigis ica tradukuro. OL trovesas hike.
Gilles-Philippe Morin skriptis e publikigis poemo
Jovdio 2017-02-02: Samideano Gilles-Philippe Morin skriptis e publikigis la poemo "Utopio".
Ol trovesas hike.
Brian Drake ofras provoko a nia samideani
Merkurdio 2017-01-11: Samideano Brian Drake ofras provoko a nia samideani: tradukuro de literaturo experimental (ne tro experimental) da Gertrude Stein. On trovas ol hike.
La dicionarii da Dyer komplete skanita!
Sundio 2017-01-08: Samideano Gilles-Philippe informis, ke lu trovis la dicionarii da Dyer (1924) komplete skanita en la Interreto.
Yen la PDF-dokumenti. Li esas tre pezoza: inter 86,6 e 104 MB:
Ido-Angla, Angla-Ido, Angle-Ido (versiono alternativa).
Ni dankez Google e la Universitato di Oxford pro ta grava laboro.
Brian Drake skribis nova blogajo okazione l'aniversario di nia Linguo Internaciona
Merkurdio 2017-01-04: Samideano Brian Drake skribis nova blogajo okazione l'aniversario di nia Linguo Internaciona, trovebla hike.
Antonio Martinez publikigis tradukajo di poemeto
Saturdio 2016-12-24: Per tradukajo di poemeto dil Hispana poeto Lope de Vega samideano Antonio Martinez deziras ad omna Idisti felica, joyoza e pacoza Krist-Naskala dii. La poemeto trovesas hike.
Gerhild Drogi kreis Ido-kalendario 2017 en formato A4
Merkurdio 2016-11-30: Gerhild Drogi anke por la yaro 2017 kreis Ido-kalendario en formato A4.
Ol trovesas hike.
Konstatin Yegupov publikigis Ido-dicionario da Dyer
Jovdio 2016-11-17: Konstatin Yegupov publikigis Angla-Ido ed Ido-Angla vortaro da Dyer kun sercho
~11000 Ido artikli, ~20000 Angla artikli. Ol trovesas hike.
"Ye ca dio" nun trovesas ye la ret-situo di James Chandler
Lundio 2016-11-07: James Chandler informis ye "Idolisto", ke lu konservis la mesaji "Ye ca dio..." ...historiala eventi en Ido publikigata reguloze ibe da David Weston depos februaro 2012. La nova arkivo trovesas hike.
IDO KANSONI KANTITA EN VALENCIA
Mardio 2016-10-04: Frank Kasper publikigis la kansoni kantita okazione dil Internaciona Ido-renkontro 2016 en Valencia. La kansoni konservita da Antonio Martinez esas querebla kom mp3-indiki hike.
Samideano James Chandler publikigas "La [Skolo] di Ido"
Mardio 2016-09-20: Samideano James Chandler decidis kompilar omna mesaji sendita til nun, tale kreante la [SKOLO] di Ido hike.
Samideano Hans Georg Winkler mortis
Saturdio 2016-09-10: L´olima redaktero dil "Ido-Saluto!"Hans-Georg Winkler mortis ye 18ma di agosto 2016. Lektez mikra nekrologo.
PDF-libreto pri la recenta Olimpiala Ludi en Rio de Janeiro en Ido
Sundio 2016-08-28:
Gonçalo Neves informas che "Idolisto", ke nia Brazilian amiko João Xavier Santos kreis 18-pagina pdf-libreto pri la recenta Olimpiala Ludi en Rio de Janeiro.
La libreto esas riche ilustrita, interesanta, tre informoza (sen esar tediva) e skribita en bona Ido.
La libreto esas disponebla hike.
Nova Sueda ret-situo pri Ido
Lundio 2016-08-22:
Shell H Randehed kreis nova ret-situo pri Ido en la Sueda linguo.
Ol trovesas hike.
Ido-lernolibro por laboristi (1927)
Jovdio 2016-08-18:
Gonçalo Neves informas che "Idolisto", ke lu trovis interretala versiono dil Germana "Ido-lernolibro por laboristi (1927)".
On povas lecionope lektar la tota kontenajo hike.
Nova blogo “Linguala noti"
Lundio 2016-08-15:
Gonçalo Neves prizentas a vi sua nova blogo “Linguala noti”, en qua lu publikigos artikli nur pri linguala temi. Ol ne remplasos nek suplantos la “La blua plumo”, ube duros aparar artikli pri temi kultural e literatural, ma ne lingual. La nova blogo trovesas hike.
Ido-materiali en Sueda e propagili konstante expozesas en Berlinana universitato Humboldt
Venerdio 2016-08-05:
En la biblioteko por Skandinavistiko dil Berlinan universitato Humboldt expozesas konstante Ido-materiali en Sueda e propagili.
Antonio Martinez kreis blogo pri la cayarala Ido-renkontro en Valencia
Mardio 2016-08-02:
L'aranjero dil cayarala internaciona Ido-renkontro en Valencia (Hispania), Antonio Martinez, kreis blogo pri ol.
Ibe on trovas informi, fotografuri e cetere. La blogo trovesas hike.
Gilles-Philippe Morin publikigis filmeto che "Youtube"
Lundio 2016-08-01:
Gilles-Philippe Morin publikigis filmeto che "Youtube". Lua unesma fimeto en Ido kun la titulo "Prière sur l’Acropole de Renan (Linguo Ido, Louis de Beaufront)" esas spektebla hike.
Gonçalo Neves publikigis nova texto en sua blogo
Jovdio 2016-07-28:
Gonçalo Neves pos segun sua opiniono tro longa pauzo publikigis nova texto en sua blogo
Ica nova verko kun la titulo "MUEVO STACANTA SUR ROKAJO" trovesas hike.
Idoamiki Berlin prizentis Ido ye bazaro por evozi en Berlin
Venerdio 2016-07-01:
En saturdio, la 25ma di junio 2016, l'Idoamiki Berlin prizentis Ido che informestaleyo okazione dil bazaro dil seniori ye la
Breitscheid-placo en Berlin. Lektez pluse.
Filmo pri la historio di Ido publikigesis che "Youtube"
Jovdio 2016-05-26:
Interesiva video pri la historio di Ido sub la titulo "History of the Ido Language (and a little about Esperanto)" esas spektebla hike.
Gert Heintze (Germania) produktis riimprimuri
Sundio 2016-05-16:
Gert Heintze produktis ri-imprimuri di tro poka exempleri de necesa libreti. Me volas hike nur nomar la "Modern Ido-Poeti" da Louis Paskau e d-ro Tazio Carlevaro e la famoza "Ido Por Omni". Dum la pasinta monati la diligent e laborema kunluktero Gert kreis tre multa ri-imprimuri di valoroza Idaji.
La Direktantaro dil GIS esas fiera havar tal aktivisto.
Jurnalistino del editerio Apercu vizitis l'Idoamiki Berlin
Venerdio 2016-05-13: En venerdio, la 13ma di mayo 2016, la jurnalistino Noessler del editerio Apercu vizitis la grupo Idoamiki Berlin. La Berlinan Idisti raportis pri la futura e pasinta projeti. Konstante la grupo ofras gratuita Ido-kursi. La jurnalistino promisis skribar artikleto en plura distriktala revui.
Numero 2/2016 di Ido-Saluto! aparis
Saturdio 2016-04-30:
Fine di aprilo 2016 aparis la numero 2/2016 dil Ido-Saluto!, la revuo dil Germana Ido-Societo.
La tituli dil kontenajo trovesas hike.
Nova Ido-blogo publikigesis
Sundio 2016-04-24:
Samideano Brian Eric Drake kreis ed enretigis nova Ido-blogo "Mondo Idala".
Ol trovesas hike.
Internaciona Ido-renkontro 2016 eventos en Valencia (Hispania)
Saturdio 2016-04-16: L'INTERNACIONA IDO-RENKONTRO 2016 eventos dum la tempo inter la 18ma til la 21ma di agosto 2016 en Valencia (Hispania). Detaloza informi ed anunc-formulario trovesas hike.
ANTOLOGIO DI LETRO INTERNACIONA E KURIERO INTERNACIONA nun esas komprebla kom libro che LULU
Mardio 2016-03-15: Nia Germana samideano Frank Kasper disponigis l' ANTOLOGIO DI LETRO INTERNACIONA E KURIERO INTERNACIONA, kreita da Jean Martignon, Francia kom libro che LULU.
La libro esas komendebla e komprebla po 15 EURO po exemplero hike.
ANTOLOGIO DI LETRO INTERNACIONA E KURIERO INTERNACIONA publikigesis ye la Generala IDO-LIBREYO
Mardio 2016-03-08: Nia Germana samideano Frank Kasper publikigis ANTOLOGIO DI LETRO INTERNACIONA E KURIERO INTERNACIONA
kreita da la redaktero di amba Jean Martignon, Francia kom pdf-dokumento
ye la Generala IDO-LIBREYO.
Plusa edituro publikigesis ye la interretala arkivo di KURIERO INTERNACIONA
Jovdio 2016-03-03: Nia Germana samideano Frank Kasper publikigis la numero 02/2015
di KURIERO INTERNACIONA, la revuo redaktita da Jean Martignon, Francia kom pdf-dokumento
ye la interretala arkivo di KURIERO INTERNACIONA.
Anki vorto-karti - Vortaro bazala Ido-Angla
Jovdio 2016-02-25: Nia samideano Brian Drake kreis vorto-karti per Anki de la Vortaro bazala Ido-Angla, qui esas trovebla hike. Plusa informi trovesas hike.
| 
English
Deutsch
Français
Plusa lingui
