IDO • Linguo Internaciona • Universala • Neutra • Facila


English Deutsch Français Plusa lingui

Generala informi pri agadi favore la Linguo Internaciona Ido


Vu esas la esma
vizitanto di ca ret-situo

Specala ofro

Ido-Situi

Kurseto por Infanti da A. Martinez (Hispania), PDF-file 2Mb

Elektronikala dicionarii

Ido-uzantogrupi

Diversa texti, literaturaji ed Idokursi

Plusa Situi

Idofonduri

Wiki interna

modifikez flanko-bendo

Impressum: / Impreso:

Inhaber der Internetpräsenz www.ido.li:
propietanto dil retsituo www.ido.li

Deutsche Ido-Gesellschaft e.V.
Germana Ido-Societo r.a.
c/o ver.di Berlin
FB 8 / AG Ido
Köpenicker Str. 30
D- 10179 Berlin

Onlinekontakt
Interreta kontaktformulario

Administrator der Internetpräsenz www.ido.li:
administranto dil ret-situo www.ido.li

Frank Kasper
Breitscheidstr. 22
D- 90459 Nürnberg

Onlinekontakt
Interreta kontaktformulario

Generala informi pri agadi favore la Linguo Internaciona Ido

Ido esis developata da la Delegaciono por l'Adopto di Internaciona Helpolinguo, qua kunvenis en Paris, 1907 (College de France).


Aktivesi dil Idistaro ed altra aktivesi favore Ido en la yari 2013, 2014, 2015 e 2016


Ido-lernolibro por laboristi (1927)

Jovdio 2016-08-18: Gonçalo Neves informas che "Idolisto", ke lu trovis interretala versiono dil Germana "Ido-lernolibro por laboristi (1927)". On povas lecionope lektar la tota kontenajo hike.

Nova blogo “Linguala noti"

Lundio 2016-08-15: Gonçalo Neves prizentas a vi sua nova blogo “Linguala noti”, en qua lu publikigos artikli nur pri linguala temi. Ol ne remplasos nek suplantos la “La blua plumo”, ube duros aparar artikli pri temi kultural e literatural, ma ne lingual. La nova blogo trovesas hike.

Ido-materiali en Sueda e propagili konstante expozesas en Berlinana universitato Humboldt

Venerdio 2016-08-05: En la biblioteko por Skandinavistiko dil Berlinan universitato Humboldt expozesas konstante Ido-materiali en Sueda e propagili.

Antonio Martinez kreis blogo pri la cayarala Ido-renkontro en Valencia

Mardio 2016-08-02: L'aranjero dil cayarala internaciona Ido-renkontro en Valencia (Hispania), Antonio Martinez, kreis blogo pri ol. Ibe on trovas informi, fotografuri e cetere. La blogo trovesas hike.

Gilles-Philippe Morin publikigis filmeto che "Youtube"

Lundio 2016-08-01: Gilles-Philippe Morin publikigis filmeto che "Youtube". Lua unesma fimeto en Ido kun la titulo "Prière sur l’Acropole de Renan (Linguo Ido, Louis de Beaufront)" esas spektebla hike.

Gonçalo Neves publikigis nova texto en sua blogo

Jovdio 2016-07-28: Gonçalo Neves pos segun sua opiniono tro longa pauzo publikigis nova texto en sua blogo
Ica nova verko kun la titulo "MUEVO STACANTA SUR ROKAJO" trovesas hike.

Blogajo pri desespero

Lundio 2016-07-18: Brian Drake havas nova blogajo che Mondo Idala pri la recenta trista eventi.
Lu ne povas durar laborar pri frivola literaturo sen agnoskar eventi qui tushas ni omna.
La blogajo pri desespero trovesas hike.

Idoamiki Berlin prizentis Ido ye bazaro por evozi en Berlin

Venerdio 2016-07-01: En saturdio, la 25ma di junio 2016, l'Idoamiki Berlin prizentis Ido che informestaleyo okazione dil bazaro dil seniori ye la Breitscheid-placo en Berlin. Lektez pluse.

Filmo pri la historio di Ido publikigesis che "Youtube"

Jovdio 2016-05-26: Interesiva video pri la historio di Ido sub la titulo "History of the Ido Language (and a little about Esperanto)" esas spektebla hike.

Gert Heintze (Germania) produktis riimprimuri

Sundio 2016-05-16: Gert Heintze produktis ri-imprimuri di tro poka exempleri de necesa libreti. Me volas hike nur nomar la "Modern Ido-Poeti" da Louis Paskau e d-ro Tazio Carlevaro e la famoza "Ido Por Omni". Dum la pasinta monati la diligent e laborema kunluktero Gert kreis tre multa ri-imprimuri di valoroza Idaji.
La Direktantaro dil GIS esas fiera havar tal aktivisto.

Jurnalistino del editerio Apercu vizitis l'Idoamiki Berlin

Venerdio 2016-05-13: En venerdio, la 13ma di mayo 2016, la jurnalistino Noessler del editerio Apercu vizitis la grupo Idoamiki Berlin. La Berlinan Idisti raportis pri la futura e pasinta projeti. Konstante la grupo ofras gratuita Ido-kursi. La jurnalistino promisis skribar artikleto en plura distriktala revui.

Numero 2/2016 di Ido-Saluto! aparis

Saturdio 2016-04-30: Fine di aprilo 2016 aparis la numero 2/2016 dil Ido-Saluto!, la revuo dil Germana Ido-Societo.
La tituli dil kontenajo trovesas hike.

Nova Ido-blogo publikigesis

Sundio 2016-04-24: Samideano Brian Eric Drake kreis ed enretigis nova Ido-blogo "Mondo Idala".
Ol trovesas hike.

Internaciona Ido-renkontro 2016 eventos en Valencia (Hispania)

Saturdio 2016-04-16: L'INTERNACIONA IDO-RENKONTRO 2016 eventos dum la tempo inter la 18ma til la 21ma di agosto 2016 en Valencia (Hispania). Detaloza informi ed anunc-formulario trovesas hike.

ANTOLOGIO DI LETRO INTERNACIONA E KURIERO INTERNACIONA nun esas komprebla kom libro che LULU

Mardio 2016-03-15: Nia Germana samideano Frank Kasper disponigis l' ANTOLOGIO DI LETRO INTERNACIONA E KURIERO INTERNACIONA, kreita da Jean Martignon, Francia kom libro che LULU.
La libro esas komendebla e komprebla po 15 EURO po exemplero hike.

ANTOLOGIO DI LETRO INTERNACIONA E KURIERO INTERNACIONA publikigesis ye la Generala IDO-LIBREYO

Mardio 2016-03-08: Nia Germana samideano Frank Kasper publikigis ANTOLOGIO DI LETRO INTERNACIONA E KURIERO INTERNACIONA
kreita da la redaktero di amba Jean Martignon, Francia kom pdf-dokumento
ye la Generala IDO-LIBREYO.

Plusa edituro publikigesis ye la interretala arkivo di KURIERO INTERNACIONA

Jovdio 2016-03-03: Nia Germana samideano Frank Kasper publikigis la numero 02/2015
di KURIERO INTERNACIONA, la revuo redaktita da Jean Martignon, Francia kom pdf-dokumento
ye la interretala arkivo di KURIERO INTERNACIONA.

Anki vorto-karti - Vortaro bazala Ido-Angla

Jovdio 2016-02-25: Nia samideano Brian Drake kreis vorto-karti per Anki de la Vortaro bazala Ido-Angla, qui esas trovebla hike. Plusa informi trovesas hike.

Ido-kalendario por la yaro 2016 enretigis

Saturdio 2015-12-12: Nia Germana samideanino Gerhild Drogi kreis Ido-kalendario por 2016 en formato A4. Frank Kasper enretigis ol. La kalendario trovesas hike.

Ido-tradukuro di "La Apostoliana Letri" segun la Biblo en nuna Germana enretigesis ol.

Jovdio 2015-12-03: La Apostoliana Letri segun la Biblo en nuna Germana tradukita aden Ido
da Juergen Viol (Germania) enretigis da nia Germana samideano Frank Kasper.
La pdf-dokumento esas disponebla hike

Gazuyi numero 6 editesis ed enretigesis

Venerdio 2015-11-20: Nia samideano Lenadi MOUCINA editis ed enretigis Gazuyi numero 6.
Ol es trovebla hike

Omna edituri di Gazuyi trovesas hike


Plusa edituro publikigesis ye la interretala arkivo di KURIERO INTERNACIONA

Merkurdio 2015-11-11: Nia Germana samideano Frank Kasper publikigis la numero 01/2015
di KURIERO INTERNACIONA, la revuo redaktita da Jean Martignon, Francia kom pdf-dokumento
ye la interretala arkivo di KURIERO INTERNACIONA.

La nova retaro kun informi pri Ido en diversa lingui nun anke esas disponebla en la Portugalana linguo

Saturdio 2015-10-31: Samideani Gilles-Philippe Morin (Kanada) e Frank Kasper (Germania) kreis e publikigis versiono dil retaro kun informi pri Ido en la Portugalana linguo. Ol esas trovebla hike.
Ol esas tradukita da samideano Lucas Costa (Brasilia).

Plusa fotografuri pri l'internaciona Idorenkontro 2015 publikigita

Merkurdio 2015-10-14: Frank Kasper publikigis plusa fotografuri pri l'internaciona Idorenkonro 2015 en Berlin disponigita da Gert Heintze. Oli trovesas hike.

L'Idoamiki Berlin prizentis Ido ye la "Jorno dil evoza homi" (Seniorentag) en Berlin

Sundio 2015-09-27: L'Idoamiki Berlin anke cayare prizentis Ido kun estaleyo ye la "Jorno di evoza homi" (Seniorentag ye la 18ma di septembro 2015 en la quartero Schoeneberg en Berlin. Du fotografuri dil estaleyo trovesas hike.

Fotografuri pri l'internaciona Idorenkontro 2015 publikigita

Saturdio 2015-09-26: Frank Kasper publikigis kelka fotografuri pri l'internaciona Idorenkonro 2015 en Berlin disponigita da Eberhard Scholz. Oli trovesas hike.

La nova retaro kun informi pri Ido en diversa lingui nun anke esas disponebla en la Hispana linguo

Sundio 2015-09-06: Samideani Gilles-Philippe Morin (Kanada) e Frank Kasper (Germania) kreis e publikigis
Hispanlinguala versiono dil retaro kun informi pri Ido. Ol esas trovebla hike.
Ol esas tradukita da samideano Antonio Martinez (Hispania).

Du plusa edituri publikigesis ye la interretala arkivo di KURIERO INTERNACIONA

Lundio 2015-08-24: Nia Germana samideano Frank Kasper publikigis la numeri 02/2014
e 04/2014 di KURIERO INTERNACIONA, la revuo redaktita da Jean Martignon, Francia kom pdf-dokumenti ye la interretala arkivo di KURIERO INTERNACIONA.

Vidajkarti okazione dil internaciona Idorenkontro 2015 en Berlin prizentita

Venerdio 2015-08-21: Nia Germana samideano Gert Heintze prizentis vidajkarti kreita da lu okazione dil
internaciona Idorenkontro 2015 en Berlin. Regardez ol hike.

Kamizo okazione dil internaciona Idorenkontro 2015 en Berlin prizentita

Merkurdio 2015-08-19: Nia Germana samideano Gert Heintze prizentis kamizo kreita da lu okazione dil
internaciona Idorenkontro 2015 en Berlin. Interesemi povas komprar ol dum l' Idorenkontro en Berlin.
Regardez ol hike.

La nova retaro kun informi pri Ido en diversa lingui nun anke esas disponebla en la Germana linguo

Mardio 2015-08-18: Samideani Gilles-Philippe Morin (Kanada) e Frank Kasper (Germania) kreis e publikigis
Germanlinguala versiono dil retaro kun informi pri Ido. Ol esas trovebla hike.
Ol esas tradukita da la Germana samideani Guenter Schlemminger e Frank Kasper.

Ido-reklamaji montresas en vetrino di librerio en la Germana chefurbo Berlin

Lundio 2015-08-17: En vetrino dil librerio "Todsicher" en la Weitling-strado en quartero Lichtenberg en Berlin videblas Ido-reklamaji. Regardez ol hike.

Lundio 2015-08-17: Recente la Berlinana grupo vizitesis da samideano Thomas Heberlein de Hameln. Plusa informi e fotografuro trovesas hike.

Ido-tradukuro di "La Evangelio segun Markus" publikigesis

Saturdio 2015-08-01: Samideano Juergen Viol (Germania) tradukis la Evangelio segun Markus aden Ido.
Frank Kasper publikigis ol kom pdf-dokumento hike.

Nova retaro kun informi pri Ido en diversa lingui

Saturdio 2015-07-18: Samideani Gilles-Philippe Morin (Kanada) e Frank Kasper (Germania) komencis projeto
di retaro kun informi pri Ido en diversa lingui. Duminstante ol esas disponebla en Ido, l'Angla ed en la Franca.
Esas projetita pluplenigar ica retaro kun versioni en plusa lingui, ma por la realigo

helpanti esas bezonata.
Interesemi, qui esas pronta tradukar l'informpagino aden linguo, quan lu parolas voluntez kontaktar samideano Frank Kasper!

Kin gimnaziani dil Kreativgymnasium en Berlin recevis atesti pri lia Idosavo

Merkurdio 2015-07-15: En Berin eventis mikra somito dil Idovivo. Kin gimnaziani dil Kreativgymnasium recevis atesti pri lia Idosavo.
Docanto Ferdinand Möller ed Eberhard Scholz, sekretario dil GIS, gratulis e transdonis l'atesti.

Nova sociala Ido-retaro

Sundio 2015-06-28: Samideano Gilles-Philippe Morin instalis la nova sociala Ido-retaro "Lernez Ido!".
Ol esas trovebla hike

Nova retsituo kun arkivo di elektronikala versioni di "Kuriero Internaciona"

Jovdio 2015-06-04: Frank Kasper (Germania) kreis retsituo kun arkivo di elektronikala versioni di "Kuriero Internaciona", la revuo redaktita da Jean Martignon, Francia e komence publikigis ibe la pdf-versiono dil numero 03/2014. L'arkivo esas trovebla hike.

Nova tradukuro da Brian E. Drake

Venerdio 2015-01-02: Samideano Brian E. Drake tradukis "La dementulo" da Kahlil Gibran aden Ido. La pdf-dokumento di ca tradukuro esas querebla hike.

La membro dil Germana Ido-Societo Steve Walesch publikigis Idokurso konsistanta de dek docoletri en Ido.

Sundio 2014-12-28: La dek lecioni lektita da lu esas disponebla en MP3-formato hike.

"Evangelio segun Partakael" da Partaka nun querebla kom imprimebla versiono

Saturdio 2014-11-15: Frank Kasper remplasis la literaturajo "Evangelio segun Partakael" da Partaka per imprimebla versiono. La pdf-dokumento esas querebla hike.

"Evangelio segun Partakael" da Partaka

Sundio 2014-11-02: Frank Kasper enretigis la literaturajo "Evangelio segun Partakael" da Partaka. La pdf-dokumento esas querebla hike.

Tradukuro - du dramati da Lord Dunsany

Sundio 2014-11-02: Frank Kasper enretigis tradukuro di du dramatiki da Lord Dunsanay realigita da Bryan Drake. La pdf-dokumento esas querebla hike.

Yarala Chefkunveno di Germana Ido-Societo en Schwielowsee, Germania

Sundio 2014-08-31: Inter venerdio, la 29ma e sundio, la 31ma di agosto 2014 eventis la yarchefkunveno di Germana Ido-Societo en Schwielowsee, Germania. En venerdio ni renkontris en la urbo centro di Potsdam. Potsdam esis somerala rezidio di Prusia reji dum 250 yari. Ni vidis la importanta vidindaji quale la "Brandenburger Tor (pordo)" Lektez pluse ...

Nova Ido-libri

Jovdio 2014-08-21: Dum l'Internaciona Ido-renkontro en Paris, prizentesis diversa nova libri. Kelka tituli: Le amba Armenia da Robert Pontnau; Ido-Saluti 2009 (tomo kun omna numeri aparinta en 2007, 2008 e 2009); Savo ne-utila (kompilita) da Tim Bauerschmidt; Sencesa Bruiso da Bryan Drake (che Lulu). Anke literaturale la renkontro esis sucesoza!

Siorino de Chili vizitis l'Idoamiki Berlin fine de julio 2014

Sundio 2014-08-03: Fine de julio 2014 siorino de Chili vizitis l'Idoamiki Berlin. '''Lektez pluse....

Samideano Jose M. R. Hernandez de Cordoba (Hispania) kun familiani vizitis Berlin e Nuernberg e renkontris Idisti en amba urbi

Lundio 2014-07-21: Raporto pri la vizito da samideano J. M. R. Hernandez en Berlin trovesas hike.

Venerdio 2014-07-25: Raporto pri la vizito da samideano J. M. R. Hernandez en Nuernberg trovesas hike.

La internaciona Idokonfero 2014 honorizante Louis Couturat eventis en Paris

Mardio 2014-07-22: La internaciona Ido-konfero honorizante Louis Couturat eventis de 13ma til 20ma di julio 2014 en Paris, Francia. Informi e prizentado di fotografuri trovesas hike.

PROGRESO #358 aparis

Mardio 2014-06-03: La numero 358 di Progreso aparis. Pri la kontenajo e pri plusa informi quale abonar Progreso lektez hike.

Programo dil Idokonfero 2014 publikesas

Lundio 2014-06-02: L'aranjeri dil internaciona Idokonfero 2014 honorizante Louis Couturat, qua eventos inter la 13ma e 20ma di julio 2014 en Paris (Francia)

publikigis la programo dil konfero.

Idoamiki Berlin prizentis Ido ye Europa-festo en Berlin

Sundio 2014-05-11: En saturdio e sundio, la 10ma e 11ma di mayo 2014, ni Idoamiki Berlin ofris itere Ido kom komuna linguo por Europa okazione dil Europafesto 2014 en Berlin. Kurta raporto esas lektebla hike.

Konfero pri Louis Couturat eventos en la Skolo Normala Superiora di Paris

Venerdio 2014-05-02: Nia Franca samideano Gaël Richard informis l'Idistaro, ke le 21 e 22 mayo, eventos konfero pri Louis Couturat en la Skolo Normala Superiora di Paris (Ecole normale supérieure), 45 strado di Ulm (45 rue d’Ulm), salono Dussane (salle Dussane).
Plusa informi e la programo (en la Franca) trovesas hike.

La programo en Ido tradukita da samideano Gaël Richard trovesas hike.

Tombo di Luis Couturat trovita

Jovdio 2014-04-24: Nia Franca samideano Gaël Richard informis l'Idistaro, ke il trovis e vidis la tombo di Louis Couturat.
Lektez lua raporto hike.

Libro "Sencesa bruiso" publikigita e komendebala che ""LULU"

Lundio 2014-04-14: Nia samideano Brian E. Drake publikigis nova libro kun la titulo "Sencesa bruiso" che "LULU". Kun karakteri de omna gradi politikal e societal, "Sencesa bruiso" esas politikala farso montranta la rido dop nia sakra nocioni. Plusa informi trovesas e la libro esas direte komendebla hike.

Kontributajo a la studiado di la HISTORIO DI NIA LINGUO da Henry Jakob publikigesis ye la generala ret-situo pri Ido

Mardio 2014-03-25: Nia diligenta Germana samideano Gert Heintze skanigis la libreto "Kontributajo a la studiado di la HISTORIO DI NIA LINGUO da Henry Jakob" e disponigis ol pro publikigo ye la generala ret-situo pri Ido. La pdf-dokumento dil libreto trovesas hike.

La internaciona Idokonfero 2014 honorizante Louis Couturat esas preanuncita

Venerdio 2013-12-20: Samideano Eberhard Scholz, informis l'Idistaro, ke la internaciona Ido-konfero honorizante Louis Couturat eventos de 13ma til 20ma di julio 2014 en Paris, Francia.

La ret-situo "Ido Kontenajo" chanjis la titulo e nun nomesas "Ido-Kulturo"

Venerdio 2013-10-18: Idisti, segun informo da nia Braziliana samideano André Ibaque

la ret-situo "Ido Kontenajo" nun nomesas "Ido-Kulturo", titulo plu amikala. La kontenaji esas la sama. Vi povas acesar hike.

PROGRESO #356 aparis

Saturdio 2013-09-28: La numero 356 di Progreso aparis. Pri la kontenajo e pri plusa informi quale abonar Progreso lektez hike.

Nova Ido-proverbaro "DICAJI" da Partaka aparesis che la generala ret-situo pri Ido en la fako "Ido-literaturo"

Sundio 2013-09-15: Nia samideano Partaka de Hispania kompilis, adaptis e tradukis nova Ido-proverbaro kun la titulo "DICAJI". Il maxim volunte deziras ofrar ica nova verko (qua prizentas 540 dicaji, quin lu tradukis aden Ido) ad omna Idisti ed Ido-uzanti en la tota mondo.
Pro realigar ica deziro nia Germana samideano Frank Kasper publikigis la pdf-dokumento hike.

internaciona Idorenkontro 2013

Venerdio 2013-08-16: Dum la tempo inter la 08ma til la 12ma di agosto 2013 eventis internaciona Idorenkontro en Ouroux (Francia). Plusa informi trovesas hike
Fotografuri facita da Loïc Landais trovesas hike

Ido en Langoland

Sundio 2013-06-30: Yen interesiva projekto: http://ido.language.free.fr/index_uk.php Klikez sur la Ido-flago sinistre-supre ed pose ye la angla vorti sinistre. Exemple ye "aninmals". La autoro di ita situo pregis me por korektiguri. Sendez korektiguri ad: langoland (arobo) free (punto) fr

Kuriero Internaciona 2012/2013-02 aparis

Saturdio 2013-06-29: Ja ante kelka semani aparis nova numero di la jurnalo Kuriero Internaciona. Redaktero Jean Martignon sendis Kuriero Interaciona 2012-02 a la abonanti. La kayero kontenas la "Vorto dal redaktero", "Listo de utila vorti" e diversa artikli pri kulturala e historiala aferi. Kuriero Internaciona enhavas 40 pagini. On povas lektar anciena kayeri di KI hike. - Por abonar KURIERO INTERNACIONA e recevar perposte la surpapera buletino, voluntez sendar mesajo a la redaktero e dissendero: < martignon.jean (at) wanadoo.fr >. La chipa yarala abono por quar kayeri kun sempre 40 interesiva pagini esas: 10 EUR.

PROGRESO #354 aparis

Venerdio 2013-06-28: La unesma numero di Progreso por la yaro 2013 aparis. Pri la kontenajo e pri plusa informi quale abonar Progreso lektez hike.

Posta Mundi #23 aparis

Venerdio 2013-06-14: Ja ante kelka semani aparis #23 di jurnalo Posta_Mundi. #23 kontenas la sequanta Ido texti: Anteparolo - Rosto - Ido; *Ila Profeto. Pri la Tempo. - Khalil Jibran, Partaka; Olim, en medikal acepteyo - Partaka; La mikra punto - Tiberio Madonna; En la sam autobuso - Tiberio Madonna. Posta Mundi la "jurnal inter IAL" esas trovebla hike: http://enioni.narod.ru/jurnal/ .

Haiku-Ido novaji

Venerdio 2013-06-14: Antonio Martinez publikis nova Haiku-tradukuri en sua blogo: Lektez "La bambuo en la fenestro di Li Ts'e Yun" da Po Chu Yi (772-846) ed poemeto da Tai Fu Ku (XIII yarcento)

Idala kapsulo #2

Mardio 2013-06-04: Nia samideano Jose Cossio Publikis nova podkasto "Idala kapsulo #2". Jose skribis: "Kara samideani, me publikigis la Idala Kapsulo 002, askoltebla che Ido Sonora! Yen la adreso: http://www.ipernity.com/doc/idosonora/20060133
Longeso: 59 sekundi. Texto lektebla en la sama pagino."

Ido-Saluto! 2/2013 aparis

Merkurdio 2013-05-01: Kelka dii ante nun la aktuala kayero Ido-Saluto 2/2013 sendesis a la membri dil Germana Ido-Societo ed a l'abonanti. Kayero 2/2013 kontenas itere 24 pagini. Koncernesas pri texti pri la Euorpana biziono, Ido-libri, Gernika, Tyho Brahe, Titanic poemo,la invito a la yarchefjunveno di GIS, e altra texti. Ido-Saluto! esas la oficala jurnalo dil Germana Ido-Societo (GIS). Membreso en la Germana Ido-Societo kustas 15 Euro po yaro. Yarala abono, anke kun la PDF-dokumenti di 2012 kustas 10 Euro. Yen plusa informi pri IS ed anciena karieri kom PDF: Ido-Saluto 2007-2010

Kanto - Ido - La Mondo Idala

Sundio 2013-04-07: Ed itere altra bela filmeto, kanto, marcho en la linguo Ido ... http://www.youtube.com/watch?v=zxwiRXvcYCs B. Drake: Por celebrar mea samideani qui laboris ed ankore laboras por la bela linguo Ido, me kreis ica marcho e video-filmeto. Klikez sur "Show more" sub la introduktio to lektez la kompleta texto.

Youkali - kanto da Kurt Weill en la linguo Ido

Sundio 2013-04-07: La bela kansono da Kurt Weill e Roger Fernay, tradukita aden l'idiomo internaciona Ido. Mea unesma probo pri video, do me pregas, esez jentila! (Por subtituli en Ido, Angla, e Franca, klikez "CC".) Tradukita da nia samideano B. Drake, ma qua kantas sat bela??

"Lakrimi de Stalo" - filmeto kun Ido-subtituli

Sundio 2013-04-07: Altra Idofilmo che youtube. Segun la youtube-situo: Deskripto en Ido ed Angliana Linguo
Lakrimi de Stalo esas kurta filmo da "Blender Foundation" de produktero Ton Roosendaal e cinematografisto/skribisto Ian Hubert. La filmo esis facita uze nova plubonigi di kapablesi vidala efekti di Blender, libera e gratutita programaro di ordinatro. Ta kurta filmo es licencata sub la Creative Commons — 3.0. Pri Tears of Steel che Wikipedio: http://io.wikipedia.org/wiki/Tears_of...

Posta Mundi #22 aparis

Sundio 2013-04-07: Ja ante kelka semani aparis #22 di jurnalo Posta_Mundi. #22 kontenas la sequanta Ido texti: *Ila Profeto. Pri la Konversado. - Khalil Jibran, Partaka; Kataluni e Poloni - Partaka; Quo esas la haiku*? - Antonio Martínez - Ido. Posta Mundi la "jurnal inter IAL" esas trovebla hike: http://enioni.narod.ru/jurnal/ .

Nova ret-situo Ido-Brazilia

Jovdio 2013-02-21: Nia samideano Lucas Costa facis nova retsituo en nia linguo internaciona Ido. La autoro skribas: "Ido-Brazilia es ret-situo dedikata a divulgar e ripublikigar verki di Idisti. Anke helpas Idisti Braziliano a lernar Ido. Plu informi hike. Yen omno to quon vu bezonas por konocar e lernar la linguo IDO, Esperanto reformita, adoptita kom linguo helpanta internaciona en Paris en 1907. Adavane!" Ni deziras sucesoza vivo por la, segun nia savo, unesma ret-situo en Latin-Amerika. Visitez: https://sites.google.com/site/idobrazilia/

Filmo Bestio-Farmo kun Idala subtituli

Jovdio 2013-02-21: Samideano Brian Drake produktis subtituli por la filmo Animal-Farmo en Ido: "Yen mea unesma probo pri subtituli. Me jus pozis per YouTube filmo subtitulizita Idale, Bestio-Farmo, la famoza fablo da George Orwell. Trovez olu hike: http://www.youtube.com/watch?v=4A5vqzKCGjA

Kande apertita, klikez la simbolo CC e selektez "Interlingue - Ido." Regretinde, YouTube ne ja ofras Ido kom linguo. (Interlingua, Esperanto, mem Volapuk, ma ne nia bela idiomo!) La subtituli esas mikra - me esforcos chanjar li." Impresiva laboro.

Ido-Saluto! 1/2013 aparesis

Saturdio 2013-02-02: Kelka dii ante nun la aktuala kayero Ido-Saluto 1/2013 sendesis a la membri dil Germana Ido-Societo ed a l'abonanti. Kayero 1/2013 montresas nova, plu bela imprimiguro e nun kontenas 24 pagini. Koncernesas pri texti pri la Expolingua 2012, la Ido-renkontro en Dessau 2012, aktuala Ido-libri, pri la historia dil la revuo Ido-Saluto, pri homeopatio, Margret Thatcher, lingui en Islando, rakonto da Charles Perrault, texto pri la sciencala principi en ido ed altra interesiva texti. Ido-Saluto! esas la oficala jurnalo dil Germana Ido-Societo. Membreso en la Germana Ido-Societo kustas 15 Euro po yaro. Yarala abono, anke kun la PDF-dokumenti di 2012 kustas 10 Euro. Yen plusa informi pri IS ed anciena karieri kom PDF: Ido-Saluto 2007-2010

Posta Mundi #21 aparesis

Jovdio 2013-01-31: Ja ante kelka semani aparis #21 di jurnalo Posta_Mundi. #21 kontenas la sequanta Ido texti: *Ila Profeto. Pri la Amikeso da Khalil Jibran (Partaka); La feliceso e la realeso da Aleshandre Shavier Kasanova Domingo; Olim, che mea kazerno da Partaka. Posta Mundi la "jurnal inter IAL" esas trovebla hike: http://enioni.narod.ru/jurnal/ .

Nova Ido-Muziko

Jovdio 2013-01-31: Igor Wahirei, nia MAESTRI DIL SONO publikigis nova Idokanto ye youtube: Tu Savas EP. Audez la muziko hike!

Kuriero Internaciona 1/2012 aparesis

Jovdio 2013-01-24: Redaktero J. Martignon sendis Kuriero Interaciona 2012-01 a la abonanti. La kayero kontenas la "Vorto dal redaktero", "Listo de utila vorti" e diversa artikli pri kulturala e historiala aferi. Kuriero Internaciona enhavas 40 pagini. On povas lektar anciena kayeri di KI hike. - Por abonar KURIERO INTERNACIONA e recevar perposte la surpapera buletino, voluntez sendar mesajo a la redaktero e dissendero: < martignon.jean (at) wanadoo.fr >. La chipa yarala abono por quar kayeri kun sempre 40 interesiva pagini esas: 10 EUR.

Trovinta: Komparo Ido, Esperanto, Interlingua, LFN, ...

Sundio 2013-01-13: Yen interesiva texto da persono qua nek savas Esperanto nek Ido en la Angla linguo. "Gunfight at the Big Three Corral: Esperanto, Ido, Interlingua" da Robert Winkler

Podkasto #46

Sundio 2013-01-13: Nia samideano Jose Cossio pubikigis nova podkasto. La temi: -Yuna Egiptianino protestas nude kontre la religio; -Quale Santa Nikolaus uzus la cienco por livrar donacaji; -Delikata kafeo direte del feko di elefanto. Audez la podkasto hike: http://www.ipernity.com/blog/idosonora/439737


Aktivesi dil Idistaro e di ULI en la yaro 2012

Omna aktivesi dil Idistaro e di ULI en la yaro 2011

Aktivesi dil Idistaro e di ULI en la yaro 2010

Aktivesi dil Idistaro e di ULI en la yaro 2009

Aktivesi dil Idistaro e di ULI en la yaro 2008