ULI-Chefpagino

Ido esis developata da la Delegaciono por l'Adopto di Internaciona Helpolinguo, qua kunvenis en Paris, 1907 (College de France). Quale e pro quo membresar a la Uniono por la Linguo Internaciona (Ido)?

Invito ad Internaciona Idokonfero Dessau/Germania 23.-29. Julio 2012

Aktivesi dil Idistaro e di ULI ed altra aktivesi favore Ido en la yaro 2012

Nova Direktanta Komitato di ULI elektesis e finis l'interna elekto

Sundio 2012-01-22: Pos fino dil novelekti di Direktanta Komitato di ULI la interna votado en la Direktanta Komitato finis. La votado aranjesis di la nun "olima" sekretario Loïc Landais.
La nomi dil membri ed ofici trovesas hike.

Invito ad Internaciona Idokonfero en Dessau 2012 (23.-29.7.2012)

Lundio 2012-01-09: De la 23-ma til la 29-ma dil julio 2012 eventos en Dessau, Germania, cent kilometri sude de Berlin, la Internaciona Idokonfero 2012. Dum la antea semanofino 21-ma til la 23-ma dil julio 2012 eventos prerenkontro en Berlin, chefa urbo di Germania, e Potsdam, chefa urbo di Brandenburgia.

Ica prerenkontro esos organizita da nia lokala grupo - la Ido-Amiki-Berlin. Lektez plusa informi hike ...

Aktivesi dil Idistaro e di ULI ed altra aktivesi favore Ido en la yaro 2011

Ido-Saluto! 3-2010 enretigesis

Jovdio 2011-12-22: La Ido-Amiki Berlin enretigesis numero 3-2010 dil Ido-Saluto. Ido-Saluto esas la oficala jurnalo dil Germana Ido-Societo. Membreso dil la Germana Ido-Societo kustas 15 Euro / yare. Yarala abono, anke kun la PDF-dokumenti en 2012 kustas 10 Euro. Yen al adreso por lektar la kayero http://www.idoamiki.berlin.idolinguo.de/pdf/Ido-Saluto-2010-03.pdf (930Kb). Kontenjo: Otto von Bismark, Frieda Kahlo, VW-Käfer, Enigmato ed altri.

Tatoeba.org superpasis 2.500 Idala frazi

Mardio 2011-12-20: La komuna projekto por tradukar kurta frazi en 90 lingui nun havas plu kam 2.500 frazi en la linguo Ido. Yen la Ido frazi!

Ido-Saluto 2-2010 enretigesis

Saturdio 2011-12-17: La Ido-Amiki Berlin enretigesis numero 2-2010 dil Ido-Saluto. Ido-Saluto esas la oficala jurnalo dil Germana Ido-Societo. Membreso dil la Germana Ido-Societo kustas 15 Euro / yare. Yarala abono, anke kun la PDF-dokumenti en 2012 kustas 10 Euro. Yen al adreso por lektar la kayero http://www.idoamiki.berlin.idolinguo.de/pdf/Ido-Saluto-2010-02.pdf (570Kb). Kontenjo: Avokado: La “butro dil Acteki” protektas kordio e vaskuli; Freya von Moltke; La futbal-mondchampioneso 2010 en Sudafrika; Der selbstsüchtige Riese - La giganto egoista; Nula afero honoroza - junio 1919 kontre-admiralo Ludwig von Reuter imperis la spontana submersigo dil imperiestrala maro-navaro ed altra texti.

www.ido.li salutis 70.000ma vizitanto hodie

Saturdio 2011-12-17: Hodie ni povis salutar nia 70.000ma vizitanto ye la ULI-retsituo. En julio 2009 ni havis
40.000 e mezo di aprilo 2010 ni havis 50.000 vizitanti hike, En februaro 2012 ni havis 60.000 vizitanti.

Azia letro en Ido-linguo

Venerdio 2011-12-16: Nia samideani V.R.Srinivasan skribis mikra letro por la Idisti en Azia. Ol esas lektebla por membri dil idolisto hike

Ido-Saluto 1-2010 enretigesis

Mardio 2011-12-13: Nia samideani, la Ido-Amiki Berlin enretigesis numero 1-2010 dil Ido-Saluto. Ido-Saluto esas la oficala jurnalo dil Germana Ido-Societo. Membreso dil la Germana Ido-Societo kustas 15 Euro / yare. Yen al adreso por lektar la kayero http://www.idoamiki.berlin.idolinguo.de/pdf/Ido-Saluto-2010-01.pdf (930Kb)

POSTA MUNDI #10 publikigita

Venerdio 2011-11-30: POSTA MUNDI #10 aparis. Texti en Ido: Du Fantomas es tro - Lenadi Moucina; Hundaro di Puri (India) - Partaka; Norvegia e sua etiko. - Aleshandre Shavyer Kasanova Domingo; *Ila Profeto. Pri la gayeso e la tristeso - Partaka, Khalil Jibran; Gazuyi - Lenadi Moucina. Altra texti en Esperanto, Populido, Sibelingua, Occidental, Idiom Neutral e Lingua de Planeta. Yen la jurnal pagino qua havas la ligilo por la PDF-dokumenti de POSTA MUNDI: http://enioni.narod.ru/jurnal/

DJ Couturat: Anciena Skolo

Sundio 2011-11-27: Audez la nova muziko da Maestri Dil Sono hike: http://www.youtube.com/watch?v=R9mLwUfYF0s

PROGRESO 349 aparis

Sundio 2011-11-27: Fine aparis Progreso 349 kun Vorto da redaktero da H. Stuifbergen, "La fenestero apertita" e krepuskulo - rakonto da Saki traduktia da D. Weston; Pri la ladina linguo da A. Martinez. Historio: La rejo Otto I di Albania da A. Neussner. Letro Pesch/Anton 1948; pri aktuala Ido-revui da D. Groth; La skriptisti dil faraono (parto 7-12) da R. Pontnau. Plusa informi pri progreso lektez hike http://www.ido.li/index.php/ULI/Progreso

Gazuyi #4

Lundio 2011-11-14: Nia samideano L. Moucina itere facis interesiva mixajo de artikli en sua jurnalo Gazuyi. Lektez la lasta numero kun diversa tradukuri e orginala artikli pri kulturo, historio, Ido-linguo, poemi ... hike: http://panglosa.chez.com/gazuyi/gazuyi.html

Raporto pri la Expolingua 2011

Jovdio 2011-11-12: Samideano Scholz publikigis raporto pri la cayarala "Expolingua". "Expolingua" esas ferio por lingui e kulturi en Berlin. La Germana Ido-Societo havas sempre estaleyo ibe. Yen la raporto, yen fotografuri, yen raporto dil la Esperantisti en la Angla anke kun fotografuro di nia estaleyo. Hike altra fotografuro facita dum la diskurso da d-ro Groth.

Esperanto 1894

Lundio 2011-11-07: En la interreto trovesas interesiva situo pri la reform projekto da Zamenhof de 1894. La ret-situo esas skribita en Esperanto. Multe de ca propozi facita da Zamenhof esas nun parto di nia linguo Ido: https://sites.google.com/site/esperanto1894/ La blog pri ica situo esas hike: http://esperanto1894.wordpress.com/

Tradukuro: La Muro Opozita da Pierre Loti

Mardio 2011-11-01: Nova tradukuro publikigita en idolisto da Pierre Loti, pseudonimo di Julien Viaud (1850-1923), Franca skribisto e navala oficisto. Rakonto tradukita (de Angla versiono) da David Weston. Lektebla hike http://www.literaturo.ido.li/Pierre_Loti-La_Muro_Opozita.pdf

Omna aktivesi dil Idistaro e di ULI en la yaro 2011

Aktivesi dil Idistaro e di ULI en la yaro 2010

Aktivesi dil Idistaro e di ULI en la yaro 2009

Aktivesi dil Idistaro e di ULI en la yaro 2008